|
 |
 |
 |
11 - 11 - 2024, 06:43 PM
|
رقم المشاركة : ( 178241 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 نور عظيم يغير حياه قريه بالكامل .. سامح شاب 23 سنه من قريه بالصعيد ربنا اراد انه يفقد بصره لكن ده كان له الفضل فى اهم حاجه حصلت فى حياته .. من 10 سنين سامح فقد بصره بسبب خناقه مع جيرانه فا حد خبطه على دماغه بحديده عمله نزيف وفقد فيها بصره تماما .. ابو سامح رفض يعمل محضر وحلف انه مش هاينام غير لما ياخد بتار ولده .. لكن سامح كان شخص هادى ومالوش فى المشاكل هو بس دخل الخناقه عشان يحوش ابوه لكن للاسف حصله اللى حصل .. سامح كان رافض موضوع التار وكان بيقول دايما انا مسامح وربنا اراد بكدا ونشكر ربنا وكل حاجه ولها علاج بالرغم ان الدكاتره فى الصعيد والقاهره اقروا ان العمى من الدرجه دى مالهوش علاج نهائى لكنه كان عنده امل ان ربنا هايرجع نور عنيه تانى .. المهم ابوه كان دايما بيقوله انت الخبطه اثرت على مخك .. فى يوم 21 ديسمبر سنة 2014 سامح راح يصلى كانت العظه اليوم ده عن الثقه فى قوة الله "لو كان لكم إيمان مثل حبة خردل لكنتم تقولون لهذا الجبل: انتقل من هنا إلى هناك فينتقل" وحكى الكاهن هناك عن المولد اعمى وازاى وثق فى ربنا وخلقله عين من جديد واصبح يشوف النور .. وقف سامح فى وسط العظه وقال يعنى انا ممكن يرجعلى نور عينى من تانى ... ؟؟ رد عليه الكاهن وقاله صلى دايما واطلب بحراره شديده وخليك واثق جدا ان ربنا هايسمعلك ويستجيب سامح اثرت قوى فيه قصة المولد اعمى وازاى لما ربنا حد الطين على عينين الشاب فتح على طول .. روح بيتهم اليوم ده وسهر الليل كله واقف بيصلى بحراره شديده وفضل يقوله يارب انا مش هاسيبك غير لما اشوف النور انا واثق فيك انك هاترجعلى نظرى تانى انا واثق فيك وواثق فى حنانك ولو ماكنش عشان خاطرى يبقى عشان خاطر ابويا عشان يعرف طريقك ويعرف ازاى نسامح غيرنا ارجوك يارب سامح اليوم ده من قوى لجاجته فى الصلاه فضل يبكى بكاء شديد غرق جلابيته .. نام سامح من شدة التعب على الارض وحلم انه شاف نور عظيم جدا لدرجه انه ماقدرش حتى يفتح عينيه قدام النور ده وحس بإيد كانت بتطبط على كتفه وصوت قاله إطمن ... صحى سامح اليوم ده وهو عنده ايمان عظيم جدا انه هايرجع يشوف النور من تانى وفرحان فرحه عظيمه ويقول لاى حد يقابله انا هارجع اشوف تانى انا واثق فى ربنا .. فضل على الحال ده اكتر من 10 سنين .. بنفس فرحته ونفس حماسه ونفس ثقته فى ربنا انه هايرجع يشوف النور من تانى .. وكل ما يقابل حد يحكيله الحلم اللى حلمه والصوت اللى سمعه وكأن ده وعد من ربنا .. عشر سنين واثق وعايش على وعد ربنا له .. لغايه من يومين تحديدا يوم 5 نوفمبر 2024 سامح عمل عمليه دقيقه جدا فى عينيه على ايد دكتور جاى من بره مصر وعلى ايديه ربنا سمح بشفاء سامح ونظره رجعله من تانى .. عزيزى القارىء وعد ربنا لينا صادق وامين ماتقلقش هايستجيب . |
||||
|
11 - 11 - 2024, 06:47 PM
|
رقم المشاركة : ( 178242 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
انت فى عالم فُتحت فيه الازمان فكرة الموت صعبه جدا ، تخيل إنك فجأه ماتبقاش موجود فى العالم ، لا صديق ولا حبيب ولا أى حد معاك ، مجرد التأمل فيها الدم ينشف فى العروق .. تخيل جسدك اللى مهتم به وبتغذيه وبتشتريله احسن لبس فجأه يترمى فى حفره تحت الارض متر فى متر ويبقى وجبه دسمه للدود .. فلوسك وبيتك حد غيرك اللى بيستمتع بيهم سواء اولادك او احفادك .. منصبك فى الشغل حد تانى مسكه .. نيجى بقى لدورة حياه ما بعد الموت ، مكان الانتظار والحساب وجيوش الملائكه اللى قابضين الروح وانت ولا حول لك ولا قوة مالكش حق حتى تدافع عن فعل خطأ عملته .. انت واقف قدام ملك الملوك ورب الارباب فى محاكمه سمائيه مُهيبه .. وشريط حياتك الخفى والظاهر حتى افكارك معروض لكل البشريه .. شكلك هايكون ايه قدام الصديق اللى غدرت بيه ولا الحبيب اللى خونته ولا الضعيف اللى كلت حقه غدر !! جاء وقت الحساب ودفع كل الفاتوره بالكامل .. حكم نهائى بدون نقض ولا استئناف ولا محامى يدافع عنك اعمالك الصالحه فقط اللى هاتشفعلك اللحظه دى . انت متخيل ...!! احساس بشع ان يكون الحكم النهائى بالتعذيب الا نهائى .. مافيش زمن ولا وقت ولا ساعه ولا حتى راحه انت فى عالم فُتحت فيه الازمان ... |
||||
|
11 - 11 - 2024, 06:49 PM
|
رقم المشاركة : ( 178243 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ربنا حارس بيتك حتى لو نايم فى جب الاسود من حوالى ست شهور كان معايا موضوع وربنا موفقنيش فيه كنت فى حيره صعبه طيب ليه ربنا موفقنيش هل انا قصرت ولا ده مش مكانى اصلا ولا ايه ، المهم فضلت اكلم ربنا يوميا واقوله انا واثق فى قرارك لكن محتاج افرح .. عشان بعد ست شهور ربنا يعوضنى بحاجه كنت بحلم بيها من سنين ���� احلى إحساس انك تسيب حياتك على ربنا راحه ما بعدها راحه... اللى هو زى ما تيجى تيجى بقى مش فارقه انا واثق ان ربنا بيختارلى الصالح .. احساس عظيم انك تنام على المخده وتروح فى نوم عميق وانت متاكد ان ربنا حارس بيتك حتى لو نايم فى جب الاسود ... عارفين الشعور ده عامل زى ايه .. عامل زى عيل ابوه بينططه ويرميه فوق خالص ويستلقاه تانى الولد بينط وهو فرحان ومبسوط وبيضحك خالص من غير حتى ما يفكر للحظه انه يخاف لانه واثق مليون فى الميه ان ابويا هايمسكه بإيديه ومستحيل يسيبه يسقط ... احساس مُريح جدا يخلى الواحد عمره يطول اضعاف اضعاف يخليك تستمتع بكل لحظه تعدى عليك من غير قلق ولا حزن ولا ضيق .. |
||||
|
11 - 11 - 2024, 06:51 PM
|
رقم المشاركة : ( 178244 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الشىء ده ممكن يكون حلم لناس تانيه انهارده الصبح وانا رايح الشغل اجرة الميكروباص كانت ظ£.ظ¥ فا فى طفل ركب رايح المدرسه دفع خمسه , السواق قاله معاك نص جنيه وتاخد اتنين الولد قاله لا ، فا رجعله جنيه وقاله يبقالك نص جنيه .. الولد بكل تلقائيه قاله طيب ممكن تدينى ورقه بالنص جنيه دى عشان وانا راجع من المدرسه ماحدش بيرضى ياخد منى ظ£ جنيه وانا ماما مديانىظ§ جنيه بالظبط عشان المواصلات .. راح السواق ضحك وقاله خليها تبحبحها شويه تديلك ظ،ظ* جنيه .. هنا الناس كلها بقى هاجت فيه وكله زعق فى السواق ... الولد قاله انا والدى متوفى وامى عاجزه وعايشين بمعاش ابويا... الناس تعاطفت جدا مع الولد وفى ناس حاولت معاه ياخد فلوس واللى حاول يدفعله وبصراحه الولد كان عنده عزة نفس عظيمه جدا ورفض ياخد قرش من حد ... الخلاصه اللى عاوز اقولها .. الشىء البسيط اللى بالنسبالك وانت معتاد عليه وشايف نفسك مظلوم وسط الناس وربنا ناسيك ... الشىء ده ممكن يكون حلم لناس تانيه فاشكر ربنا . |
||||
|
11 - 11 - 2024, 06:55 PM
|
رقم المشاركة : ( 178245 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 عارف لما يكون عندك طبق اكل فى التلاجه مالكش نفس تاكله وفى نفس الوقت مستخسر ترميه ، فا تسيبه فى التلاجه لغاية ما يبوظ وساعتها ترميه وانت نفسك راضيه ... اهو ده اللى بيحصل معاك لما تعرف حد ويكون راكنك على الرف فا تلاقى ردوده بارده عليك ومش لاقى منه اى اهتمام بيك ، فانت تعمل المستحيل عشان يقبل بيك فا تلاقيه بردو مشغول خالص عنك ومش مهتم خالص بيك ، هو بس راكنك لوقت يمكن يحتاجك فيه .. لو فى حياتك شخص زى ده ، اقطع علاقتك به فورا لانك بالنسباله شخص مش بتجذبه وماتحاولش تجذبه لانه لو انجذبلك هايستنذفك ويستغلك وفى الاخر هايروح لغيرك .. انت بالنسباله طبق مليان راكنك وقت عوزه واول ما تبوظ هايرميك على طول .. ماتحاولش تتعلق بحد مش مهتم بيك ولا تعلق نفسك به ولا تقبل ابدا انك تكون مجرد طبق فى تلاجه شخص مايستهلش حتى انك تفتكر اسمه ... |
||||
|
11 - 11 - 2024, 07:01 PM
|
رقم المشاركة : ( 178246 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 من يومين لاقيت واحده على الفيس كاتبه شكوى عن صفحه بتبيع منتجات برفان وكدا ، المهم من مضمون الحوار ان الصفحه دى كانت عامله عرض عن خمس منتجات ب ظ،ظ*ظ*ظ* جنيه وشكوى البنت انها لما استلمت المنتجات لاقيت ان الصفحه بعتالها منتجات تانيه خالص عباره عن ازايز متعبيه تحت السلم وحاجه عك على الاخر .. البنت بكل ادب كلمت الصفحه وبتقولهم اكيد الاوردر اتلغبط مع اوردر حد تانى ، البنت لغاية دلوقتى بتفرض سلامة النيه وبتتكلم بكل احترام معاهم .. قامت الصفحه شافت الكلام وراده رد فى منتهى الاستفزاز... " لا هو ده الاوردر اللى انتى طالباه ، الصوره اللى كانو فى العرض للدعايه فقط لكن احنا بنعمل كوبى طبق الاصل من المنتجات الاصلى" فا البنت قالتلهم طيب انتو ليه ماقولتوش قبل ماطلب منكم انا افتكرت انكم هاتبعتوا المنتجات الاصليه .. راح الصفحه ردت عليها بضحكه مستفزه وقالتلها "ههههههههه منتجات سعرها يتعدى الظ¥ظ*ظ*ظ* جنيه عاوزه تاخديهم بظ،ظ*ظ*ظ*" وعملولها بلوك .. لما جيت اقرا الكومنتات لاقيت اللى يقولها اعملى محضر واللى يقولها اعملى ريفيو عن الصفحه عشان ماحدش يشترى منهم تانى, لكن بصراحه لفت انتباهى تعليق مهم جدا كان لبنت بتقولها " انتى اللى غلطانه انك وثقتى فيهم ازاى منتجات بظ¥ظ*ظ*ظ* جنيه متخيله تشتريها بظ،ظ*ظ*ظ* جنيه " الحقيقه التعليق ده بيمثلنا كلنا فى مواقف كتير فى حياتنا مع ناس كتير بيكونوا مكشوفين قوى لينا انهم وحشين جدا من جوه وصعب التعامل معاهم والقرب منهم خطر جدا علينا لكن احنا دايما بنجرى ورا وهم كبير اسمه حسن النيه ومش بنفوق منه غير على صدمه تدمر كل حاجه حلوه فينا ، عزيزى القارىء فوق قبل فوات الاوان ، ربنا بيبعتلك اشارات كتير ان الناس اللى انت موجود معاهم دول مؤذين جدا ليك ، ارجوك فوق .. |
||||
|
11 - 11 - 2024, 07:14 PM
|
رقم المشاركة : ( 178247 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ربنا انقذنى من الموت بأعجوبه حقيقى ... واحد لاقيته بيحكى وبيقول .. كنت راجع من شغلى الساعه 3:20 الفجر انا ساكن فى منطقه جبليه جديده مافهاش عمود نور يعنى من بعد 12 بتضلم تماما بعد ما المحلات بتقفل مافيش غير البقال اللى فى المنطقه هو اللى بيكون منور .. اليوم ده دخلت المنطقه ولاقيت النور قاطع شغلت الكشاف بتاع الموبيل عشان اقدر اتحرك خصوصا فى حفره فى الشارع كنت خايف اقع فيها .. وانا ماشى على نور الكشاف سامع صوت خطوات ورايا , فا قولت يالى ورايا خليك ماشى معايا عشان فى حفره لحسن تقع فيها .. لكن للاسف مافيش رد ... قولتله انت مش سامعنى بقولك خليك ماشى ورايا عشان فى حفره عميقه لو وقعت فيها ماحدش هايلحقك .. بردو مافيش اى رد لغايه ما فجأه صوت الخطوات وقف قومت واقف ولفيت ورايا بالكشاف وقولتله ماللك وقفت ليه؟؟؟ لاقيت واحد واقف وعينيه مقفوله نص قفله وماسك سكينه ومبتسملى وقالى سيب موبايلك ومحفظتك وكل اللى معاك واتكل يلا .. قولتله يعنى انا بسلامة نيه خايف عليك تقع وانت عاوز تسرقنى !! قالى بقولك هاتكترهم معاايا هاجيبك نصين طلع اللى معاك عشان تروح لاهلك سليم .. هو اصلا مش فى وعيه يعنى ممكن يقتلنى ومايحسش اصلا ... المهم قولتله حاضر طلعت المحفظه ومديت ايديى له عشان اديهاله وهو بياخدها قمت زاقه الكشاف اللى منور به وقع منه واستغليت ده وفضلت اجرى لكن اللى كنت خايف منه حصل وقعت فى الحفره ورجلى اتكسرت .. الراجل اللى بيحكى الحكايه بيقول انه عنده السكر ولو مااكلش واخد الدوا بتاعه ممكن تجيله غيبوبه سكر يموت فيها ... مش هاتصدق ايه اللى حصله .. عدت حوالى ساعه والراجل لسه قاعد فى الحفره ومش عارف يعمل ايه بعد ما تليفونه وقع منه اتكسر .. لكن فجأه لقى كلاب كتير اتلمت حوالين الحفروه وفضلوا يهوهو بصوت عالى قوى كأن فى حاجه ضايعه منهم ويلفوا حوالين الحفره بطريقه غريبه ويتنططوا ويهوهو جامد .. لدرجه السكان اللى فى العماير اللى فى المنطقه نزلوا يشوفو ايه لما وصلوا ومعاهم كشاف لقيوا الراجل ده واقع .. بعد ما طلعوا وخدوه على المستشفى واحد من الناس دى قاله انت شكلك قديم فى المنطقه رد عليه الراجل قاله بالعكس دانا ساكن من شهر بس استغرب جدا وقاله ازاى ده الكلاب بتحبك قوى وانقذوك قاله ده عشان هى مره واحده بس كان معايا اكل وحططهولهم ... تخيل يا مؤمن الكلب بيصون العيش والملح من اول مره .. |
||||
|
11 - 11 - 2024, 07:19 PM
|
رقم المشاركة : ( 178248 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 الناس عاوزين الكلام المعسول الكلام الحلو ماتبقاش صريح قوى ... مدير كان عنده اتنين موظفين تاعبينه جدا جدا لكن فى يوم من الايام المدير ده قرر يطلع قرار فصل لواحد والتانى خصم وده عمل مشكله كبيره جدا للموظف اللى هايتفصل واشمعنى انا ما فلان بردو مش بيخلص شغله وبيتهرب من شغله ولا ده عشان عنده واسطه يعنى وده اللى زود احتقان المدير معاه وقاله انت دايما عامل مشاكل وكل شويه بتقول اشمعنى واشمعنى ومش بتخلص شغلك وعمرك حتى ماقولت كلمه حلوه فى حق الشركه ودايما بتهيج الموظفين على الاداره .. رد عليه الموظف قاله وقاله انتو اداره كذا وكذا وكذا وهاتك يا شتيمه فى الشركه كلها وقامت خناقه كبيره بينه وبين المدير .. بعدها جه صاحبنا التانى ده اول ماعرف انه اتخصم منه دخل على المدير وكان معاه ورقه .. قاله ممكن تمضيلى على السلفه دى ؟؟ المدير ساله ليه ؟؟ قاله معايا ابويا تعبان جدا وكنت سهران طول الليل جنبه عشان امى متوفيه وانا الوحيد اللى برعاه وهو محتاج دوا مهم جدا وللاسف مرتبى مايكفيش فا طالب السلفه دى .. المدير ساله قاله طيب ليه ماتجوزتش عشان تنتبه لشغلك ومراتك تراعى ابوك .. رد عليه الموظف قاله انا كنت متجوز ومراتى رفضت ترعى ابويا وانا اللى برعاه دلوقتى وكل يوم لازم انام معاه عشان اديله الدوا فى ميعاده .. المدير اتاثر جدا بكلامه وقرر الغاء الخصم له ورفع مرتبه وترقيته كمان لامانته واخلاصه مع والده .. الخلاصه اللى عاوز اقولها انت ممكن تكون بتعمل اللى عليك وزياده بس لسانك موديك فى داهيه .. الناس عاوزين الكلام المعسول الكلام الحلو ماتبقاش صريح قوى وصاحب مبدأ وانا صريح وانا مش عارف ايه خليك ذكى تكسب الناس .. |
||||
|
11 - 11 - 2024, 07:24 PM
|
رقم المشاركة : ( 178249 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الضعيف ده ممكن يوديك وره الشمس لانه مسنود بربنا ... عيل راح لبقال جنبى اشترى منه حاجات بظ،ظ*ظ* جنيه فا الولد عطاله الفلوس وفضل مستنى .. راح البقال قاله ماللك مستنى ايه ؟؟! الولد قاله عاوز الباقى انا دفعتلك ظ¢ظ*ظ* جنيه. قاله لا ياحبيبى انت دفعت ظ،ظ*ظ* جنيه بس يلا امشى بقى عشان معايا شغل .. الولد فضل يتكلم ازاى انا دافعلك ظ¢ظ*ظ* ، ماما عطتنى ظ¢ظ*ظ* ومش معايا غيرها اكيد انت اللى غلطان .. راح البقال زاقه وقاله دانت عيل قليل الادب .. الولد فى خامسه ابتدائى وهو الطفل الاكبر لاخواته وابوه متوفى وكان معاه اخوه الصغير، فالولد عنده عزة نفس قويه جدا وشايف نفسه كبير ومسئول عن بيته .. المهم الولد مش راضى يمشى ومصمم ياخد فلوسه قلم الراجل ضربه بالقلب ورماه بره هو واخوه .. الولد مشى ومافيش دمعه نزلت منه .. نص ساعه بالظبط ولاقيناه راجع ومعاه امين شرطه .. الولد راح وعمل محضر فى البقال وحاليا بيبوس ايديه عشان يتنازل عن المحضر بعد ما راجع الكاميرات وطلع فعلا الولد دافع ظ¢ظ*ظ* مش ظ،ظ*ظ* .. الخلاصه اللى عاوز اقولها ، ماتستقواش على حد فاكر انه ضعيف ومالوش ضهر يتسند عليه ، عشان الضعيف ده ممكن يوديك وره الشمس لانه مسنود بربنا .. |
||||
|
12 - 11 - 2024, 12:45 PM
|
رقم المشاركة : ( 178250 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 صلاة من أجل الشفاء من الأمراض المستعصية يا أبانا السَّماوي أيُّها الطبيب العظيم الذي لا يعسر عليه أمر يا مَن جعلتَ شمس الرَّحمة والبِرّ تُشرِق كلَّ يوم والشِّفاء في أجنِحتها تحنَّن على المرضى المطروحين في أَسِرَّة أوجاعهم وآلامهم فإنَّ طِبّ البشر وقفَ عاجزاً أمام الكثير من أسماء الأمراض والحالات المُستعصية لكنَّك جعلتَ اسمكَ فوقَ كل اِسم داء أو مرَض فأنتَ من ذُقتَ عذاب الجَلد لتدفع ثمن شفائنا، لأنَّه مكتوب بجلدتهِ شُفيتم أنتَ من شفيتَ مختلف أنواع الأمراض لأنَّ مشيئتكَ هي التَّحرير والشِّفاء أنتَ من أوقَفتَ النَّعش وبعثتَ الحياة لوحيد أرملة نايين لأنَّك معطي الحياة تحنَّن يا رب على كل مريض مأسور في فِراشه، على كل مُقعَد وعاجز على كل من هو بمثابة حقل تجارب بين أيدي الأطبَّاء فأنتَ القادر بل أنتَ كُلِّيّ القُدرة ولا يعسُر عليكَ أمر أنهِضهُم يا إلهي، فنحنُ نتضرَّع من أجلهم فأنتَ من قُلتَ اطلبوا تجِدوا، اسألوا تُعطوا، اقرعوا يُفتَح لكُم ها أيدينا تقرع باب رحمتك كي تفتح باب الشِّفاء لكل من هو بحاجة نتوسَّلك يا إلهنا أن تمُدّ يمينك وتحرِّر كل نَفس وروح أسيرة الضَّعف والوَهن وكل جسَد أسير الخوف والمرَض نسألكَ يا إلهنا ليس من أجلنا يا رب بل لكي يتمجَّد اسمكَ القدُّوس الذي له وحده يليق المجد باسمكَ يا يسوع نُصلِّي فاستجب لنا، آمين. |
||||
العرض العادي
