|
 |
 |
 |
ربنا باعتلك رسالة ليك أنت
الرسالة دى تحطها فى قلبك طول سنة 2025
يالا اختار رسالتك من الهدايا الموجودة وشوف ربنا هايقولك ايه
|
|||||||
 |
|
|
أدوات الموضوع | انواع عرض الموضوع |
|
رقم المشاركة : ( 1 )
11 - 11 - 2024, 06:40 PM
|
|||||||||||
|
|||||||||||
 قولت يااااااه يارب دانت مابتنساش حد خالص تعمل ايه لو حد قالك انا جعان وانت مش معاك غير تمن فطارك .. ده اللى حصل معايا انهارده الصبح كنت قاعد فى المطعم ولاقيت شاب واقف على ناصية الشارع جنب المطعم ماسك موبايله وبيحاول يكلم حد بس تقريبا ماردش عليه .. لاقيت الولد ده قعد على الرصيف ومسك بطنه وملامح وشه عليه وجع شديد .. كل ده انا قاعد مستنى الطلب بتاعى ينزل وشايفه .. المهم وانا باصصله لاقيته شافنى هو شبه حد اعرفه قوى .. فا خمنت يكون اخوه .. روحتله قولتله مساء الخير انت اخو فلان ؟؟ قالى لا من حسن الحظ طلع بلدياتى وعرفت ابوه وعمه . اتعرفت عليه وعرفت انه جه من البلد على شغل بس ماتوفقش فيه وفلوسه وقعت منه .. الفكره بقى ان انا ماكنش فى جيبى غير ٢٠٠ جنيه وتمن الفطار والمفروض فا قولت فى بالى عيب لما اسيبه كدا فا عطيته ال٢٠٠ جنيه وانا لما اروح الشغل اسحب من مرتبى واديته رقم تليفونى لو احتاج حاجه .. والباقى دفعته فى الفطار وحرفيا ماكنش فى جيب قرش واحد اركب به .. ماكنتش عارف اعمل ايه طيب ماروحش الشغل ؟؟ كلمت كذا حد يبعتلى فلوس للاسف ماحدش بعتلى .. اتصل بيا مدير الشغل قالى ماتتاخرش انهارده ضرورى عشان فى بضاعه جايه ولازم نفرزها .. وكان فاضل نص ساعه على شغلى اتحرجت جدا اقوله مش معايا فلوس اركب قولتله حاضر انا جاى قالى انت فين ؟؟ قولتله انا على كدا على اول شارع بيتى قالى خلاص ان هاعدى عليك بالعربيه دلوقتى انا قريب منك ... قولت يااااااه يارب دانت مابتنساش حد خالص 🥰🥰 
|
|
|
| قد تكون مهتم بالمواضيع التالية ايضاً |
| الموضوع |
| مابتنساش يارب احتياجنا حتى لو ماطلبناش |
| ياااه يارب أنا قولت إنك نستني |
| زي ما قومت قومني يارب |
| لو بس قولت يارب |
| يارب يسوع المسيح يا من قولت تعالوا الى يا جميع المتعبين وانا اريحكم نحن بين يديك يارب |
العرض العادي
