24 - 10 - 2024, 08:24 PM
|
|
|
|
..::| الإدارة العامة |::..
|
|
|
|
|
|
الحقيقة مش عارفة أبتدي منين،
لأن كل بداية بفكر أبتديها بلاقيها برضه بتوجعني،
بس هفضفض معاكم شوية وهبتدي من أول الحكاية،
كنت صغيرة ومش فاهمة أي حاجة،
لقيت شخص بيلمسني لمسات مش مريحة،
ومكنتش مستوعبة ده إيه وليه بيحصلي كدا،
بعد سنين لما كبرت أكتشفت في نفسي إني دايمًا بشوفني قليلة،
وعلشان أكون دقيقة أكتر كنت بشوفني رخيصة،
كأن جسمي مش مهم كلامي مش مهم أفعالي ومواقفي مش مهمة،
وماكنتش فاهمة ليه بشوفني كدا؛ لحد ما أفتكرت.
ساعتها أدركت إن زمان مأثر عليا لحد دلوقتي والزمن ماعرفش يشفيني
ولا يشفي نظرتي لنفسي
بس الخبر الحلو إني بدأت أروح لمتخصصة تساعدني وأمشي سكة شفاء،
علشان أرجع أحب نفسي تاني وأديها قيمتها اللي تستحقها.
قوليلنا رأيك بصراحة لو حد حصل معاه كده
يطلب مساعدة ولا يفضل كاتم جواه؟
"
|
