لازم نفوت لبعض شويه ونرضى بأى حاجه المهم البيت يفضل قائم عالصخر

[Mary Naeem]

عارف لما يكون عندك تكيف فى اوضه فى البيت كلكم بتسيبوا البيت وتروحوا تتلموا فى اوضه واحده ، طبعا الكل بيعمل كدا مافيش حد هايسيب التكيف ويروح يتسلق فى الحر مثلا..
المهم عشان ماطولش عليكم ..
عارف التكيف ده جمعكم كلكم عشان كلكم اتفقتوا على حاجه واحده وهى انكم حرانين ..
اينعم مش كله هايقعد على السرير ، ممكن اللى يفرش وينام عالارض مثلا او ينام عالكنبه او لو زنقت خالص معاه ومافيش مكان هاتلاقيه واخد شبرين على السرير وبيحاول ينام ..
هل مثلا حد هايزعل انه نايم عالارض ، بالعكس دا ما يصدق يلاقى شويه هوا ساقع ....
نيجى بقى للهدف من الكلمتين دول
رساله للزوج والزوجه عارفه لو انتى وجوزك اتفقتوا على حاجه واحده وهى سلام ونجاح البيت بامانه مافى حد فيكم هايتخانق مع التانى بالعكس ده هايرضى باقل حاجه لانه عايش فى نعيم سلام ونجاح وفرحة البيت والعيال ونشأتهم فى بيئه خاليه من التوتر والمشاكل ..
ياجماعه لازم نعدى ، لازم نقدر ونحترم بعض ، لازم نفوت لبعض شويه ونرضى بأى حاجه المهم البيت يفضل قائم عالصخر والعيال تطلع وتكبر فى بيئه صالحه ...
وانتى يا ستى جوزك فوتلك مره واتنين وتلاته وتنازل مش هايفوت على طول كل واحد وله طاقه حسى به شويه
وانت كمان ياعمنا حس شويه بمراتك وخفف من عليها الحمل شويه
شيلو بعض وخففوا على بعض مرارة الرحله
يارب نفهم