|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
|
|
رقم المشاركة : ( 1 )
13 - 08 - 2024, 05:07 AM
|
|||||||||||
|
|||||||||||
 ليه الشفاعة مهمة جدا في الكنيسة؟ ليه ممكن نقف قدام أيقونة الست العدرا ونتكلم معاها كتير؟ -الشفاعة هي الجرأة أو الدالة انك تكلم الله كأب ومحدش يملك الجرأة او الدالة دي إلا الإبن الوحيد لأنه مساوي له عشان كدة بولس الرسول يقول عن المسيح انه "الشفيع او الوسيط الوحيد" -لكن في نفس الوقت بولس الرسول في رسالة تيموثاوس الاولى بيطلب منهم "شفاعات" ودة لأننا باتحادنا بالإبن الوحيد اللي له الجرأة ان يكلم الآب صارت لينا نفس الجرأة والدالة اننا نتشفع من أجل بعض، لأننا متحدين بيه وبقينا جسده -يعني الشفاعة مبنية على أننا جسد المسيح اللي هو الوسيط الوحيد، وجسد المسيح حي مش ميت عشان كدة العدرا حية في المسيح وتقدر كعضو قوي في جسد المسيح، تساعد عضو ضعيف، زي ما ايدك اليمين تضمد جرح رجلك كدة. -بولس الرسول يقول عننا ككنيسة انها كمال المسيح وملؤه، يعني من تنازل المسيح انه يخلي كماله بينا وفينا لأننا جسده. -لما بنقول على نفسنا جسد المسيح، فدة مش تشبيه لكن دي حقيقة سرية، حقيقة سرية معناها حقيقة اعمق من حواسك الخمسة، لكنها حقيقة مش تشبيه. طب ليه بنمدح العدرا اوي كدة؟ -احنا بنمدحها في المسيح وكلنا كقديسين لينا مجد في المسيح زي ما بيقول المسيح في يوحنا ١٧ "اعطيتهم المجد الذي اعطيتني" فمديحنا للعدرا هو مديح للكنيسة الممجدة في المسيح. -كمان ربنا كان لا يمكن يدخل الزمن ويتجسد لو كانت البشرية رفضت لكن العدرا مثلت البشرية واشتركت في الخلاص وقالت "ليكن لي كقولك" لان الخلاص عمل مشترك بين الله والانسان حتى لو كان عمل الانسان بس انه يقبل عطايا الله المجانية. عشان كدة بنمدح العدرا بإنها "رأس خلاصنا" -طب دلوقتي الست العدرا بتشفعلنا، هل احنا ممكن نشفعلها؟ طبعا، المجمع بتاع القداس هو صلاة من أجل الست العدرا وكل القديسين -طب يعني هم محتاجين صلاة؟ اه لأن الله سر، وهم مهما وصلوا مش هيجيبوا آخر معرفة ربنا ، فالكنيسة بترفعهم في صلاتها من أجل معرفة اعمق بسر الله -نسيان البروتستانت لحقيقة جسد المسيح الواحد بيخليهم ينكروا الشفاعة والحقيقة ان جسد المسيح الواحد هو الدافع بتاعنا في اي خير نعمله واي شر منعملهوش يعني اي مساعدة بقدمها للآخر بقدمهاله لأني شايفه جسد المسيح، واي شر مش بعمله برضو مش بعمله لان انا والآخر جسد المسيح. ودة مش فضل ليا على الآخر، هل ممكن ايدك تحس بفضل انها عالجت رجلك؟ 
|
|
|
العرض المتطور