ملف كامل للصلوات السهمية المجمعة

[walaa farouk]

اشفي القلوب قبل الأجساد،
وجازي التعب اللي محدش شافه،
وعوّض، عوض بحبك،
اللي مفيش زيّه.

[walaa farouk]

ريح يارب اللي نفسه يهدى لحظة،
وفرّح اللي نسى طعم الفرح.

[walaa farouk]

خليك مع الطلبه يارب .
. نجحهم وفرحهم واجبر بخاطرهم .
. متديهمش على حسب تعبهم لان ممكن يكون مقصرين
.. اديهم على حسب كرمك وغناك ومحبتك يارب ✨
اكرم ولادك يارب 🙏🏻💜

[walaa farouk]

إسند يارب اللي وقع من كتر ما حاول،
طبطب على اللي بيكتم الوجع جوا الضحك

[walaa farouk]

باركلي يارب في كل خطوة، في كل نية
، وفي كل حلم أنا زرعته
وانت بس اللي تقدر تُثمره.

[walaa farouk]

يا رب.
. خُد بإيدي لطُرق الخير اللي انت ناويها ليا،
سهّلها زي ما بتسهّل البحر على مركب صغيرة..

[walaa farouk]

ثبت يارب رجلي ..
واحميني من كل زلزال بيحاول يهدمني.

[walaa farouk]

نطلب هدوء للمتوترين ..
للي قلبهم عامل دوشة ومش عارفين يناموا.
نطلب لمسه تطمن، وكلمة تهدي
، ونَفَس يرجّع الروح.

[walaa farouk]

من الرب نطلب سند للمضغوطين ..
للي شايلين فوق طاقتهم ومش بيشتكوا.
نطلب كتف يتسندوا عليه،
وتعويض معجزة يحسسهم إن التعب ماكانش رايح.

[walaa farouk]

يارب زد
إنشغالي بنفسي
ولا تشغلني بخلقِك
واجعل ف قلبي الرضا والسكينه.!