|
 |
 |
 |
|
رقم المشاركة : ( 1 )
07 - 11 - 2023, 08:19 PM
|
|||||||||||
|
|||||||||||
 كان في راجل أرمل كبير في السن عايش لوحده في نيوجرسي. كان عايز يزرع جنينته بالطماطم زي عادته كل سنة بس ماكانش قادر يعمل كده لوحده لإن الأرض كانت ناشفة قوي عليه. وابنه الوحيد واللي كان اسمه ڤينسنت واللي كان متهم بالقتل كان عليه حكم ومسجون. راح الراجل العجوز ده كاتب رسالة لابنه في السجن يشرح له فيها مشكلته ويفضفضله وقاله "عزيزي ڤينسنت، انا زعلان شوية لإنه من الواضح اني مش هاقدر ازرع الجنينة طماطم السنة دي . انا كبرت قوي في السن على الشغلانة دي. لو انت كنت هنا ماكانش هيبقى عندي مشكلة لاني عارف كويس انك كنت هتساعدني وهتكون مبسوط وانت بتعمل كده. باحبك. ابوك". بعدها بكام يوم استلم الرسالة دي من ابنه "عزيزي بابا . اوعى تحفر الجنينة. الجثث كلها مدفونة فيها. باحبك. ڤيني." الساعة ٤:٣٠ تاني يوم الصبح وصل رجال البوليس وال FBI وحفروا الجنينة كلها من غير ما يلاقوا جثة واحدة. اعتذروا للراجل ومشيوا. في نفس اليوم استلم رسالة من ابنه بيقول فيها "بابا العزيز، يالا بقى ازرع الطماطم بتاعتك. دي كانت الطريقة الوحيدة اللي قدرت اساعدك بيها تحت الظروف اللي انا فيها. باحبك. ڤيني." ڤيني كان فعلاً "تحت الظروف"! بس لأولاد الله دي جملة غلط لإنه هو موجود في كل الظروف واقامنا معاه واجلسنا معاه في السماويات. صحيح في اوقات ممكن نكون قليلي الحيلة زي الراجل الأرمل العجوز ده بس صرخاتنا واحنا بنطلب المعونة مسموعة عالية وواضحة قدامه واللي هيساعدنا ساعتها مش واحد مسجون قليل الحيلة لكن مسيح مقام وموجود فوق كل الظروف ومستعد دايماً يتدخل ويساعدنا في كل احوالنا القاسية واللي تبدو المستحيلة. القصة اللي فوق دي قريتها دلوقت وترجمتها، بس انا نفسي أضيف حاجة على قلبي. كل الناس اللي حوالينا ممكن يكونوا بيحبونا فعلاً وعايزين يعملوا لنا اي حاجة يساعدونا بيها بس في حاجات كتير بنقف قدامها عاجزين وايدينا مربطة. بس احنا نقدر نعمل معاهم حاجة عظيمة زي الأربعة اللي جابوا المفلوج ونزلوه قدام يسوع علشان يتصرف هو. صلاتك وقت عجزك بتسلم بيها المشكلة للي فوق كل الظروف واقوى من اقوى حاجة ممكن حبايبك يكونوا بيمروا بيها. اصرخ له بثقة النهاردة مهما كان اللي بتواجه انت او حبايبك. “وَأَقَامَنَا مَعَهُ، وَأَجْلَسَنَا مَعَهُ فِي ٱلسَّمَاوِيَّاتِ فِي ٱلْمَسِيحِ يَسُوعَ،” (أفسس ٦:٢). “وَٱلْقَادِرُ أَنْ يَفْعَلَ فَوْقَ كُلِّ شَيْءٍ، أَكْثَرَ جِدًّا مِمَّا نَطْلُبُ أَوْ نَفْتَكِرُ، بِحَسَبِ ٱلْقُوَّةِ ٱلَّتِي تَعْمَلُ فِينَا،” (أفسس ٢٠:٣). 
|
 |
|
| قد تكون مهتم بالمواضيع التالية ايضاً |
| الموضوع |
| تصميم|إن ساءت الظروف أنا موجود |
| إن ساءت الظروف أنا موجود| تصميم |
| إن ساءت الظروف أنا موجود متخافوش |
| ❤إن ساءت الظروف أنا موجود متخافوش❤ |
| فلا تخافوا من الظروف فأنا أقوي من الظروف |
العرض العادي
