|
 |
 |
 |
|
رقم المشاركة : ( 1 )
22 - 07 - 2023, 08:26 AM
|
|||||||||||
|
|||||||||||
 تلاتة وسط الالاف وقفوا وما انحنوش وقفوا قصاد الملك ومن تهديده ما خافوش اصلهم رجال شجعان آمنوا بالرب وما رضيوش يطيعوا كلام الملك ولأصنامه ما سجدوش هما ٣ من عبيد الله العلي القدير اللي اتكلوا عليه ومخافوش من الملك الشرير قالوا إلهنا موجود معانا وما فيهوش تغيير يقدر ينقذنا من أي ظرف صعب وخطير اساميهم حنانيا وميشائيل وعزريا وفي بلاد غريبة اتغيّرت لأسامي تانية لكن قلوبهم كانت فاكرة كل ثانية أن الله معاهم وسط كل هموم الدنيا حنانيا ومعنى اسمه: الله الحنان ومين غير الله قلبه مليان بالإحسان هو الله الوحيد الغني والمنان دايمًا ثابت مهما اتغيّرت الأزمان ميشائيل ومعنى اسمه: مين زي الله مين زيه في عطفه وحبه أو سخاه مين زيه في رعايته وحمايته أو غناه ما فيش زيه أبدًا أصل هو وحده الله عزريا ومعنى اسمه: الله معونتي هو اللي بيحمي حياتي وبيقود سفينتي هو إلهي وقوتي ونشيدي ونصرتي هو سر سلامي وأماني وفرحتي هو نورى في طريقي لما تضلِّم سكتي هو معيني وأملي الوحيد في كل دنيتي هددهم الملك بالأتون المتقد بالنار قالوا ولا يهمنا إحنا إلهنا إله جبار هو يقدر على النار زي ما شقّ البحار إحنا عارفينه ما بيتغيرش مهما لف الزمان ودار ها يعمل معانا عجايب وأنت ها تشوفه وتحتار أصل الرب الحي معانا أقوى من شر الاشرار رموا ال ٣ رجال في وسط الأتون وقالوا خلاص النار أكلتهم ده شيء مضمون ومين هو الإله اللي يقدر ينقذهم من نار الأتون لكن شافوا حاجة أصابتهم بالدهشة والجنون كانوا ٣ بقيوا ٤ ماشيين في وسط الأتون كان الرابع هو إلههم اللي عارفين قلبه الحنون كان هو السند ليهم في كل ظرف مهما يكون ومين زي الرب يا ناس يخلَّص وخلاصه مضمون صدر الأمر الملكي باحترام إلهنا العظيم أصل ما فيش حد تاني يستاهل الحمد والتعظيم هو لوحده يقدر يحمي اللي يعيش له بقلب سليم يا بخت اللي يمسك فيه، أصل هو رحيم وكريم واحنا النهارده بنتعلم إن إلهنا مفيش زييه بيقدر ينقذ من أي حاجة حتى لو كانت إيه علشان كده إحنا بنشكره ونقدِّم كل حبنا ليه ومش بنخاف من أي شيء لأنه ماسكنا بايديه أصله قادر.. أيوه قادر، ينجي اللي اتكلوا عليه ليه المجد وكل الحمد لأن الكل خاضع ليه إبراهيم يوسف 
|
 |
|
| قد تكون مهتم بالمواضيع التالية ايضاً |
| الموضوع |
| وقفوا اي صراع يجيب اللعنه |
| فكيف يعرفنا نحن إن وقفنا نحن في الخارج؟ |
| يخبرنى ان تحفته واسوى الالاف النجمات |
| طبطب علي المئات واحتضن الالاف |
| ثلاث مساطيل وقفوا تاكسي |
العرض العادي
