معجزات معجزات الشهيد بيشوي

[بنت معلم الاجيال]

وصلت لنا هذه المعجزة للشهيد بيشوى القمص دانيال
بدون ذكر اسماء
جدى كان تعبان جداا الايام اللى فاتت وعنده مشاكل ف القلب المهم كان حالته تعبانة خااالص. اتشفعت كتيير بالشهيد بيشوى وفضلت اقوله انت دكتور اتصرف بقى واعمل حاجة. المهم جدو عمل عملية وركب دعامات ف القلب والحمدلله قام بالسلامة وعمل تحاليل لقى ان انزيمات الكلى عنده عالية ودة وحش طبعا وفضلت اقول للشهيد يعنى خليتو يعمل العملية و كمان تخلى الانزيمات عالية اضايقت طبعا. بس راح عمل تحاليل تانى طلع ان الانزيمات مش عالية وحلوة خاااالص وانا وعدتة انى هنزل المعجزة وادينى نزلتها.. شكراا جدااا للشهيد بيشوى ونشكر ربنا

[بنت معلم الاجيال]

وصلت لنا هذه المعجزة للشهيد بيشوى القمص دانيال
معجزة حصلت معايا انا وبنتي كان معاها موبايلها وكنا راحعين من الدرس وفي الاتوبيس وقع منها الموبيل ورجعنا البيت واتعشينا واحنا رايحين ننام بتقولي شوفتي موبايلي غين طب رنيلي مالقيناهوش عرفنا انه ضاع ولانه غالي وجديد حزنا جدا وخوف من عقاب الاب للاهمال كما يقول احنا بجانب محطة الاتوبيس نزلنا بسرعة المحطة ومعايا التذكرة اسال علي الموبيل وانا كلي ياس اننا مستحيل نلاقي الموبيل لان اكيد الاتوبيس مشي قعدنا نتشفع بالشهيد بيشوي والقديس ونس والبابا كيرلس لحد ما العمال وجدوا الاتوبيس مامشيش كان في جراج المحطة والحمدلله لاقيناه بعد اكتر من ساعتين من تركنا للاتوبيس اسفة علي الاطالة مش بعرف احكي موقف بس دي كانت معجزة جميلة من الشهيد بيشوي والقديس ونس ومنتظرة من الشهيد بيشوي معجزة تاني انهاردة مع بنتي هي في الامتحان والمادة صعبة اوي وفي حاجات مش عرفاها وقلقانة منتظراه يعمل معجزة ويبقي وياها ويساعدها بما انه دكتور والمادة ساينس شفاعته تكون معاها

[بنت معلم الاجيال]

انا بشكر الشهيد بيشوي القمص دانيال والانبا كاراس وام النور علي وقفتهم جنبي انا كان ضايع مني مفاتيح مهمه خالص ودي كانت النسخة الاصليه يعني مفيش غيرها معايا وفعد ادور عليهم كتير ملقتهمش واول ما ذكرت اسم الشهيد بيشوي لقيت المفاتيح فعلا بجد شفيع الأشياء المفقوده
شفاعتك ياشهيد بيشوي تكون معايا في امتحاناتي وتشفي امي وتكون كوبسه

[بنت معلم الاجيال]

عدم ذكر الاسم
اناحصلتى معايا معجزه بشفاعة سريع الندهه الشهيد بيشوى واالقديس العظيم الانباكاراس حبيبى ودى مش اول معجزه طبعا حصل معايا معجزات كتيره بشفاعتهم عند حبيبى يسوع اله المستحيلات والمعجزات ..
اناكنت بغسل أيدى ف قلعت الدبله وسبتها ع السرير ف رجعت اخدها عشان البسها ملقتهاش دورنا كتير جدا عشان القيها لحد مافقدت الأمل انى خلاص مش هلاقيها وضاعت لأنها كبيره واكيد لو هشوفها لو ف اى مكان بس اول ماطلبت شفاعة الانباكاراس والشهيد بيشوى وقولت لو لقيتها هنزل المعجزه ف بعدها بدقايق اتمجد ربنا ولقيتها فعلا وبشكر حبيبى يسوع ع استجابته ومعجزاته الكتيره معايا بشفاعة قديسيه

[بنت معلم الاجيال]

من فضلك عدم ذكر الاسم
انا فى مشكلة وتجربة محتاج من جميع أبناء الرب يسوع المسيح يصلوا من اجلى علشان خاطر انا فى أشد محنة وتجربة ومنتظر التقرير النهائي في الموضوع ارجوكم صلوا من أجل خ بشفاعة القديسة العذراء مريم والقديس العظيم الشهيد مارمينا العجائبى والقديس العظيم السائح البابا كيرلس السادس والقديس العظيم الشهيد مار جرجس البطل والقديس العظيم الشماس الملاك البار الشهيد بيشوى القمص دانيال ووعد عندما يتم إنهاء التقرير النهائي في الموضوع وينتهى على خير وسلام سوف أعلن الاسم وتفاصيل المعجزة بنعمة ربنا يسوع المسيح يتمجد اسم الرب يسوع المسيح وجميع الآباء القديسين الأبرار الأطهار آمين يارب
انتظروا النشر عندما ينتهى الموضوع على خير ليتمجد اسم ربنا

[بنت معلم الاجيال]

بشكر ربى والهى يسوع المسيح ببركة صلوات القديس بيشوى القمص دانيال شفاعته قويه جدا جدا كنت طلبت شفاعته يقف مع زوجى فى امتحان معادلة الصيدلة وكان امتحان صعب جدا وصليت من اجل نجاح زوجى ومكنش واثق فى اجابته فى الامتحان وخايف من النتيحه لكن صلينا بلجاجه للرب يسوع وطلبنا شفاعته القديس بيشوى وصلاوته وربنا تمم المعجزه ونجح زوجى فى المعادله . بشكرك ياربى يسوع من اجل صلوات القديس بيشوى .

[بنت معلم الاجيال]

معجزة للشهيد بيشوى ّّ.
شكرا للشهيد بيشوى بسبب وقوفه بجانب انسان محتاج لرحمة ربنا وتخليصه من مشكلة صعبة ومستعصية ولكن سر الرب لخاءفيه وإرسال فرحة وهدية كبيرة لهذا الشخص .يمكن لسيادتكم النشر .

[بنت معلم الاجيال]

سيدة تقول :انا فى مرة بابا كان جاى من الشغل وفجاة لقينا سائل غريب بينزل من انفه وكان عندة صداع لكن مش عارفين اية سبب نزول السائل دة واحنا شكينا ف حاجات تانى بس كان املنا ف ربنا كبير واتشفعت كتير بالشهيد بيشوى ووعده لو خفف بابا هنزل المعجزة وبالفعل بابا كشف والدكتور قاله دى جيوب انفيه ونشكر ربنا والشهيد بيشوى

[بنت معلم الاجيال]

بدون ذكر اسماء الشهيد بيشوي عمل مع اختي و جوزها معجزتين ..اختي و جوزها تعبوا ف شغلهم و قدموا استقالتهم ف نفس الوقت و اختي جالها فرصة عمل في دبي فسافرت و جوزها طلع معاها بفيزا سياحه شهر يدور علي شغل و لما مالقاش اضطر يرجع لحد ما تعمله إقامته فكان قاعد معانا ف يوم و بندعيله و ماما بتقوله بشفاعه القديس بيشوي القمص دانيال تجيلك الاقامه و انا كنت فاتحه الفيس بوك لقيت صورته قدامي فقلت دي علامه أن ربنا هيستجب و تاني يوم جاتله الاقامه و سافر علي طول .. تاني معجزه اننا كنا بنصلي يلاقي شغل هناك و بركه شفاعه الشهيد ف اقل من شهر جاله شغل ...شفاعته تكون معانا آمين

[بنت معلم الاجيال]

من غير اسم لوسمحت انا بشكر الشهيد بيشوى عشان المعجزه دى انا جوزى كان حاجز الطياره وفى ورق عطله وخلاص كان هيرجع التذكر ه واخر لحظه خلص الورق بشفاعه الشهيد بيشوى وام النور وخلاس هينزل