تعالوا نحل خلافاتنا صح

[walaa farouk]

هو إنت ممكن تدخل مشروع فى مجال متعرفش عنه حاجة وينجح ويكبر ؟❌❌
هو إنتى ممكن كنتى تتوقعى النجاح فى دراستك من غير ماتذاكرى ؟📚📚
طب ليه بنشوف دايما أى حد هيسافر بلد غريبة حتى ولو لشهور قليلة بيتعلم قبل ما يسافر لغة البلد وبيعملsearch💻 عشان يعرف كتير عن عاداتهم وسلوكياتهم واختلافاتهم عننا ، ولو معملش كده بيتبهدل👊👊 هناك لحد ما يعرف ويتعلم ( زى أحمد زكى كده فى النمر الأسود ) .
طب عمرك شفت شركتين إندمجوا قبل ما كل شركة تعرف تفاصيل كافية عن الشركة التانية ، ونقاط ضعفها ، وقوتها ، والاختلافات بينهم قبل ما ياخدوا قرارالدمج ، وكمان بيعملوا ترتيبات كتير عشان الدمج ده ينجح📝 ؟
طب هو إيه أهم وأطول وأمتع مشروع ممكن تدخله فى حياتك ❓❓❓اللى بيأثر على كل لحظة فى عمرنا بمجرد ما بنبدأة ،
ايه هو المشروع اللى لو نفذته صح ونجحت فيه هتحس إنك ملكت الكون ، إنك مليان طاقة جبارة ، وقدرة على النجاح فى أى حاجة فى الدنيا ؟
ايه❓❓❓
أكيد متفقين إنه الزواج
مش غريبة إن المشروع ده هو الوحيد اللى معظمنا بيدخله بدون أى وعى ولا ادراك ، مع إنه دمج بين كيانين وعالمين مختلفين، كل عالم منهم مختلف تماما عن العالم التانى فى تكوينه ، وفكره ، وإحتياجاته ، ومع إنه بيأثر على كل جوانب حياتنا الباقية ‼️‼️‼️
أكيد سمعت إن معظم الخلافات بين الزوجين بتكون فى بداية سنوات الزواج فى معظم حالات الزواج ، وإنها بتقل بعد كده بعد ما بتزيد مساحة فهم كل طرف للتانى ،
طب ليه منبدأش واحنا فاهمين ونوفر كتيييير من الخلافات 🤔🤔دى !!!!
... لو مكنتش جاهز للمشروع ده بلاش تبدأ ،
... لو معرفتيش كل حاجة عن العالم ده واتعلمتى لغته بلاش تدخليه ،
... لو مخدتش كل احتياطتك عشان تحقق نجاح ومكاسب ليك ولشركائك ( ومنهم أولادك ) بلاش تكون الشركة دى ،
إحنا قادرين نخلى الجواز إضافة لحياتنا ومكسب يعود بالفايدة على كل جوانب حياتنا الباقية ،
تعالوا نختار شريك حياتنا صح ، تعالوا ندرسه صح ، تعالوا نفهمه ونعرف إزاى نتعامل معاه صح ، تعالوا نحل خلافاتنا صح

[Rena Jesus]

ميرسى ربنا يبارك تعب محبتك

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسى كتير على مروركم الغالى

[MenA M.G]

موضوع أكثر من روعة .. مشاركة جميلة جدا
دائماً فى تقدم ورقى
ربنا يبارك خدمتك