جاء ملك سدوم قال له خذ الغنائم وأعطينى النفوس

[Mary Naeem]

23 لاَ آخُذَنَّ لاَ خَيْطًا وَلاَ شِرَاكَ نَعْل وَلاَ مِنْ كُلِّ مَا هُوَ لَكَ، فَلاَ تَقُولُ: أَنَا أَغْنَيْتُ أَبْرَامَ. 23 That I will not take from a thread even to a shoelatchet, and that I will not take any thing that is thine, lest thou shouldest say, I have made Abram rich:

24 لَيْسَ لِي غَيْرَ الَّذِي أَكَلَهُ الْغِلْمَانُ، وَأَمَّا نَصِيبُ الرِّجَالِ الَّذِينَ ذَهَبُوا مَعِي: عَانِرَ وَأَشْكُولَ وَمَمْرَا، فَهُمْ يَأْخُذُونَ نَصِيبَهُمْ». 24 Save only that which the young men have eaten, and the portion of the men which went with me, Aner, Eshcol, and Mamre; let them take their portio




23*و24*وخيط يعنى فتله ,وشراك نعل يعنى نعل الجزمة ,بأختصار جاء ملك سدوم قال له خذ الغنائم وأعطينى النفوس وكأنه ماكنش فاهم أن اللى طلع أبرام من أجله ماكنش أنه يحصل على غنائم لكنه طلع من أجل النفوس ومن أجل نفس لوط وقال له أبراهيم لن أأخذ منك حاجة حتى لو كانت بسيطة لئلا تقول أنى قد أغنيت أبرام ,طيب السؤال هنا يا ترى ليه رفض أبرام أنه يأخذ حاجة بالرغم أن هذا حقه ؟وليه مش عايز يقول أن أحد أغنى أبرام ؟هل هو كبرياء؟الحقيقة الأجابة أن أبرام تعلم الدرس أنه قد قبل من فرعون من قبل غنم وبقر وحمير فأستمد الخير من البشر لكن أتعلم الدرس أنه لا يأخذ من البشر حاجة تانى لأن كانت غلطته فى مصر أنه طلب من بشر ولكن الآن لما ربنا نظفه وأدخله فى التجربة أتعلم أنه لا يأخذ أى حاجة إلا من أيد ربنا ,وأيضا رفض يأخذ حاجة من سدوم لأن سدوم كانوا خطاه و أشرار جدا لدى الرب وكأنه يقول مش ممكن أأخذ حاجة فيها خطية,وياما فى ناس كتير بتأخذ من أيد الخطاه وغير مبالين أنهم خطاه بل بقبولهم عطاياهم أعثار أكثر للخطاه أن يستمروا فى خطيتهم ويستمروا فى قاع الجحيم ولكن أبرام قال ,مش ممكن أأخذ حاجة ما لهاش عهد مع الله وليست من أيد الله ,وأنا ماحدش يغنينى غير الله العلى خالق السموات و الأرض ,لا أحد يغنينى غيره,لا أخذ حاجة من أيد بشر وهذا بالضبط اللى علموهنا المسيح لما بنطلب خبزنا كفافنا ,يعنى لا نأكل من أيد أحد إلا أيد ربنا ,حتى لو كانت جاية لى قطعة جاتوه من يد خاطى أرفضها ,لكن خذ لقمة ناشفة من أيد ربنا ولذلك قال له لا أأخذ حاجة منك أبدا ولا حتى نعل الجزم اللى دابت فى الحرب ولا حتى بدل الخيوط اللى اتقطعت والهدوم اللى أتقطعت والخسارة اللى أنا خسرتها ,اكيد كل حرب فيها خسائر أنا مش عايزها ,ما تعوضهاش لى ,لكن اللى أكله الغلمان ده أكلوه خلاص لا أستطيع أن أرده لك ,لكن ممرا وعامر وأشكول لو عايزين يأخذوا نصيبهم ياخدوه ,لكن أنا لا أأخذ نصيبى إلا من أيد ربنا لئلا تقول أنك أغنيت أبرام ,نشوف هنا لما العهد يقوى ويشعر الأنسان أن كل حياته مرتبطة بربنا بالرغم أن ده حقه الطبيعى لكن لا يريد أن يأخذ حاجة إلا من أيد ربنا ,وأذا كان لوط سبب البلوى اللى وقع فيها أنه أختار لنفسه وأنغمس فى العالم بعيد عن الله ,وبعدين أبرام يقع فى نفس الفخ والتجربة ويأخذ من العالم بالطبع لأ لأن الشركة اللى قضاها فى حبرون أو حياة الشركة أعطته علاقة قوية وجامدة جدا بينه وبين ربنا ,وهنا نرى أبرام المنتصر على الخارج أوعلى كدرلعومر ,والمنتصر من الداخل على كل الأغراءات المادية التى كانت ممكن تغرى أى حد ,كان يقول وماله ما زيادة الخير خيرين ,ولكن نرى هنا أبرام المكتفى بما هوعنده وقناعته أن اللى عنده من عند ربنا ,وهنا الموقف الغريب هو موقف لوط لأن موقفه حيرنى ولا يذكر لنا الكتاب المقدس أن لوط قال أى حاجة لأبرام,يعنى ملك سدوم جاء وقال له خذ اللى أنت عايزه وشكره وملكى صادق جاء وباركه لكن لوط لم يفتح فاه بكلمة واحدة ولا شكر أبرام لأنه خلصه ولا أعتذر له وقال أنا آسف أنى سيبتك وأنفصلت عنك وحصلت عندى مخاصمة ,لا قال له مادام أنت كده أنا عايز أعيش معاك على طول جنبك ولا حتى جاء وقال أنا بحبك أنت نجيتنى ولا أى حاجة وماعبرش أبرام خالص ,رجع من السبى ولكن رجع لسدوم مرة أخرى ,وكان المفروض أنه يتعلم من الدرس لكن للأسف لم يتعلم أى حاجة خالص يعنى رجع من الأسر لسدوم أو للأرض التى مازالت منية عقله وبهجة جيدة لعينه لأرض السقى وأرض الرعى بالرغم أنه رأى أنهم أشرار وخطاه جدا لدى الرب وأكتر من كده سوف نرى تباعا أنه بيحول خيمته إلى بيوت وإلى أستقرار بعد ما كان قاعد بره المدينة دخل لعمق المدينة وجعل بناته يتزوجون من مدينة سدوم .