مفيش حاجه تتقال

[walaa farouk]

لما تكون متحاوط بالإحباط والإخفاق من كل جهة حواليك
وفي كل مجال أنت فيه
لما تكون الدنيا كلها ضلمة ومفيش بصيص نور
لما يكون الأمل معدوم واليأس مسيطر على كل الأمور
حالة كده وصفها حتى مش سهل والكلمات مش بتعبر عنها

الحقيقة مفيش حاجة أقولهالك
اه بجد مفيش..
طبعا ممكن أرشدك وأقولك أرفع عينك لربنا
أو صلح طريقك أو توب عن حاجة معينة
أو مثلًا ثق في ربنا وإن اللي جاي أفضل وكده
لكن لما تعمل كل ده ومايحصلش تغيير هو ده اللي بتكلم عليه ..

عشان كده بقولك مفيش حاجة ينفع تتقال
لإنه أحيانًا بيبقى هو ده اللي لازم تعدي فيه اه زي ما باقولك كده
لازم تعدي فيه
لكن في حاجتين مهم تعملهم {الصمت} و {الصبر }
اصمت عشان ماتخسرش حد الوقت ده
واصبر عشان الوقت ده يجيب ثمر فيك

يمكن هو ده وادي ظل الموت
يمكن هو ده ليل النفس المظلم
يمكن هي دي التجربة والتزكية
بالمناسبة ده وقت هيجي هيجي لأي حد
ركز دايمًا تمُر فيه بأقل خساير ..

لو بتمُر بالوقت ده بدعيلك 🤲
إنه مايطولش وتخرج منه {أقوى} {أنقى} {أكبر}