ربنا عادل جدا

[محتاجه لايدك ياربى]

مش معني انك مهموم شوية او مريت بمشكلة او اتنين
وصاحبك حياته حلوة ومستقرة وكل حاجه بيفكر فيها بتتم علي خير
ده معناه ان ربنا بيفرق بينكم ... لا
ربنا عادل وميزانه عادل جدا
ممكن يديلك ضيقه وبعد كده يرزقك بـ طفل هادي ومطيع
ويدي صاحبك فلوس ومال وشغل والأنسانه اللي بيحبها بس ميدلوش اطفال
ياخد منك شغلانه كان نفسك فيها ويديلك شغلانه تانيه بعيده عن مجالك بس مرتبها اعلي
ممكن يدي لصاحبك الشغلانه اللي هو عاوزها بس مرتبها ميكونش عالي
ربنا بختبر كل واحد علي حسب احتماله
وخلي بالك .. مفيش حد مش مهموم .. ومش معني ان الناس بتبتسم في وشك يبقي مبسوطه وانت بس اللي شايل الهم .. لا
ياما الأبتسامات بتدراي
هتقولي طيب وليه من الاساس يمنع شخص من الأطفال او يزود لحد همومه

لو الحياة وردي مع الكل ... يبقي فين قوة احتمالك للصعاب اللي ربنا هيحاسبك عليها
كل لما تمر بأمور صعبة وتقول الحمد لله .. كلمة الحمد لله دي عند ربنا ليها حساب
انه ادالك تجربه وانت قدرت تعديها وتحتملها

يارب زود تجاربي واعطيني القدرة علي احتمالها كي اقل لك الحمد لله يا الهي واربح معك الحياة السمائية وليست الأرضية

ومش معني اني بصبركم ان الحياة معايا بمبي ..
ده انا لو نزلت همومي في ورق هتعمل مجلدات

الحمد لله ... كتير يتمني ربع همومي لأن همومهم صعبة الأحتمال
ومتحكمش علي الامور من اول مشكله .. طول مالسه ليك عمر وحياه علي الأرض انتظر الرب ...
--------

[ابن الباباا]

موضوع رائع جدا ربنا يعوض تعب محبتك

[نونا بنت البابا]

ميرسى للموضوع الجميل
ربنا يعوضك

[Mary Naeem]

شكرا على الموضوع الجميل
ربنا يباركك

[محتاجه لايدك ياربى]

ميرسى كتير لمروركم الجميل
ربنا يفرح قلوبكم