بقلم شريف منصور
عارف الواحد اللي بيكون ماشي جنبك و حاطط رجلة في جذمتك ، عارف اللي بيكون قاعد في بيتهم وحاطط مناخيره في قفاك ، عارف اللي بيكون قاعد علي البحر بيصيف و مخليها خريف علي اهلك ، عارف اللي بيكون اعمي وبيقولك تعالي ورايا و انا ادلك علي الطريق. عارف اللي بيقولك انت مالك عامل كده من الرفع هو مصر فيها أزمة وهو تخين و عامل زي الطور ومش شايف ان هو سبب ألازمة. عارف اللي بيقولك أوعي تذدري الدين يا كافر يا ابن الكافر ولا تسب ينعل....
عارف لو كل الخلق دي تنسانا و يخليهم في عشيرتهم وقبيلتهم و جماعتهم يعملوا فيهم اللي هما عاوزينه . يلبسوهم خيم يلبسونهم طرح يلبسوهم اللي هما عاوزين يلبسوهم بس يحلوا عن قفانا. أن شاء لله يا رب يبقوا هم العالم كله ولو فضل واحد مش منهم ينسوه و يسبوه في حالة كفاية عليه التعذيب اللي هو فيه لأنه بقي البني آدم الوحيد في العالم . و الله نكون متشكرين جدا و مش حنعرف نشكرهم أزاي . أو حتى يا سيدي نشكرهم مقدما من دلوقت عشان نبعد عنهم ويبعدوا عننا .
بجد بقت حاجة تقرف ، الخلق دي فاضية وفارغة لدرجة تخليك تستعجب من تفاهتهم . الهايفه صنعتهم وحرفتهم.
بالنسبة للأرنب البرسيم هو أجمل شيء في الدنيا، تخيل لو رئيس مصر أرنب علشان يكرم أهل مصر يأكلهم برسيم كل يوم. هو ده أعظم أكل عند الأرانب. واحد يقولي طيب لو مكنش أرنب حاجة تاني أقوله احمد ربنا كل الأصناف دي بتاكل برسيم وبس .
مش سخرية ولا تقليس علي حد أنا بس فعلا مستعجب من منطق الأرانب دي. ياسلام سلم علي الأرانب وهي بتتكلم
18 - 10 - 2012, 11:06 AM
العرض العادي
