|
 |
 |
 |
|
رقم المشاركة : ( 1 )
21 - 06 - 2023, 07:08 PM
|
|||||||||||
|
|||||||||||
 مِن 1990 سنة تقريبًا، كان في شاب عنده ٣٣ سنة وشوية صغيريين، كان صيته مسمع البلد اللي هو فيها! 🎤 كان في درجة مُعَلِم للشريعة، صنع معجزات بالكوم منها مثلاً شفى مرضى، طَهَّر برص، خلق من الطين عيون للعميان، وقف نزيف لامرأة كان بقاله ١٢ سنة، شفي راجل مشلول، قوم راجل من الشلل بقاله ٣٨ سنة وخلاه يشيل سريره لا علاج طبيعي ولا غيره، حول ست براميل ميه لنبيذ بكلمة! تلاتة قاموا من الموت على إيده؛ بنت صغيرة؛ شاب رايح القبر؛ وراجل كان بقاله ٤ أيام في القبر لما نتن والريحة كانت حاجة تقرف!! مشي على البحر الهايج، وقف رياح وأمواج، أكل عشرات الآلاف من الناس، طلع في حدود كتيبة شياطين من على شاب، شفي مجانين بالكووووووم! عَلِّم تعاليم ملهاش زي ولا ووصف لغاية دلوقتي هتلاقي ده في (متى ٥، ٦، ٧) عاش عيشة في منتهى الاحترام والأدب والتربية والذوق والأخلاق والرقي، اتحداكم لو طلعتم غلطة واحدة فيه! ❤ كان بيفهم في كل حاجة زراعة ماشي، نجارة أكل عيشه وصنعته، فلسفة كان رهيب في حججه وردوده وأجوبته من هو ١٢ سنة كان يجاوب ويرد على الشيوخ!! غفر ذنوب، قبل سجود من بشر، قالهم أنا الله وش كدا صراحة! الشاب دا كان في وليمة مع تلاميذه، وفجأة قام من على الترابيزة ولف فوطة على وسطه وجاب طشت ميه ووطى على رجلين تلاميذه الـ ١٢ وغسل رجل رجل بالترتيب وبالدور! 😲 في وسط التلاميذ دول كان واحد ناوي يخونه ويسلمه لاعدائه، غسل رجل برضو ولا فرق معاه! 🤔 وواحد تاني كان ناوي ينكره ويقول ماعرفهوش مين الراجل دا. غسل رجله برضو! 🙈 الأعجب إنه كان عارف بكل دا وصمم يغسل رجلهم! وساب لنا وصية اغسلوا رجلهم حتى لو خاينيين أو ناكرين للجميل! دا رب المجد يسوع المسيح ❤ اللي علم الدنيا التواضع، سيدي وتاج راسي 😍 
|
 |
| أدوات الموضوع | |
| انواع عرض الموضوع | |
|
العرض العادي
