26 - 04 - 2023, 06:28 PM
|
|
|
|
..::| الإدارة العامة |::..
|
|
|
|
|
|
في الحلقة الأخيرة من مسلسل الصفارة...
وبعد ما شفيق جرب إنه يرجع بحياته
ويحاول يغيرها علشان يخليها أفضل...
يفاجئنا في نهاية المسلسل بالمونولوج الجميل ده:"
مع كل صفارة كنت برجع لنقطة البداية
وابتدي حياة جديدة.. كنت ببقى فاكر اني
لقيت الحياة المثالية.. ليا ولكل اللي بحبهم..
بس اللي اكتشفته إني كنت بعمل نسخ، كلهم مش بتوعي
نسخ مالهاش لازمة.. واحدة منهم بس هي اللي تلزمني..
وأنا دلوقتي محتاج النسخة الأصلية من حياتي.
والحقيقة إن الكلمات دي بتوصف احتياج حقيقي
جوا كل إنسان عايز يغير من حياته ويعيشها بشكل أفضل
وبيحاول يوصل لكده عن طريق تغيير ظروف حياته من برة
لكنه للأسف بيفشل ومش بيوصل لحاجة...
لكن في ناس حوالينا عرفت تغير من حياتها..
لما اكتشفت الصورة الحقيقية اللي الله خلقها عليها.
أو بتعبير شفيق "النسخة الأصلية من حياتها"
أنت ليك صورة ذاتية مميزة عن غيرك.. الله أبدع فيها
وشكلها بطريقة رائعة، أشجعك الوقت اللي جاي
إنك تدور على الحقيقي اللي جواك، وتشتغل عليه وتطوره،
أطلب معونة ومساعدة من الله، لأنه هو الوحيد اللي يقدر
يفتح عينك على النسخة الأصلية من حياتك.
|
