أعظم هدية ممكن ربنا يديهالك

[walaa farouk]

أعظم هدية ممكن ربنا يديهالك.
. مش هي المعجزة اللي أنت مستنيها من سنين،
ولا الرؤية اللي هاتموت وتشوفها، ولا العجايب اللي أنت مبهور بيها
، كل ده سهل ومُتاح حتي من ابليس نفسه.
لكن أعظم هدية بجد يديهالك هي "قلب لحم".. بيحس..
وأكبر خدمة ممكن يقدمهالك هي أنه يشيل من جواك "القلب الحجر"
اللي ماشي يجرح فيك وفي الناس.


صدقني المعجزة اللي بجد هي تغيير قلبك الناشف
لقلب طبيعي، يعرف يحب نفسه واللي حواليه.
قلب واعي بمشاعر الناس وجروحهم، مش ماشي يشوّه فيهم،
ويسرق حياتهم بدون احساس.


قلب مش مركّز علي احتياجاته وأهدافه بس،
بالعكس ده بقي يقدر يحتوي ويحضن المتألمين
. قلب عينيه اتفتحت علي جمال الله في كل حاجة حواليه.
"قلب لحم" يعرف يستمتع بتفاصيل الحياة والعلاقات برغم الألم والصعوبات..
قلب يعرف يحتفظ باللي بيحبهم من غير ما يأذيهم ولا يستنزف فيهم ببرود.
قلب_لحم