|
 |
 |
 |
|
رقم المشاركة : ( 1 )
20 - 03 - 2023, 06:23 AM
|
|||||||||||
|
|||||||||||
  مفيش أجدع منه صديق ولا أحن منه حبيب .. لو مش عندك صديق و مشيت وراه هيكونلك صديق و هيبعتلك أصدقاء حلوين من عنده .. لو مش لاقي لنفسك قيمة ولا هدف ، و مشيت وراه هينقيك و يجملك و يديلك رسالة و موهبة .. لو واقع في خطايا كتير صعبة ومشيت وراه .. مش هيبهدلك لكن هينضفك و يفضل يدعمك لحد ما تكمل توبتك و تبقي إنسان حلو .. لو قدامك مخاوف جبال و طلبته من كل قلبك هينجيك بطريقة لا تتخيلها .. لو عايش في وجع و تجربة صعبة و طلبته هيكون حاضر معاك و هيحول التجربة دي لخير و تشكيل في حياتك .. لو خرجت من علاقة أو شغلانة أو خدمة و حاسس بالخزي و الضعف و اليأس و طلبته مش هيسيبك تايه لكن هيرشدك و يوجهك و يفتح لك باب .. لو واقعة في خطية صعبة و الناس ماسكينك و عايزين يحكموا عليكي .. هو مش هيدينك لكن هيبررك و يغفر لك و يقولك لا تخطئي تاني .. لو قصدته في قرار كبير إنت مش قده مش هيخذلك لكن هيكون معاك و يرشدك الطريق .. لو واقع في الطين و مليان بالخزي ومش عارف إزاي ترجع و طلبته هيرفعك و يصلب طولك تقف قصاد الآب السماوي .. لو ضيعت كل حاجة و كل حاجة جواك ماتت هيفتدي كل اللي ضيعته وموته علي الصليب و ينقذك و يخلصك ويقيمك من الأموات .. هو أحلي حبيب .. صديق .. معين .. فادي .. مُخلص .. هو يسوع حضن الله للبشرية ❤️ 
|
 |
| أدوات الموضوع | |
| انواع عرض الموضوع | |
|
العرض العادي
