هو ينقذك {مزمور 116}

[walaa farouk]

كتير باقول لنفسي طيب ما فيه حاجات أنا عملتها غلط
إزاي يعني ربنا ينقذني منها أو يساعدني فيها ما أنا السبب فيها أصلاً
. يعني قناعة عشت بيها بسبب تربيتي وكده. 🤔
في مزمور 116 بيقول: "لأنَّكَ أنقَذتَ نَفسي مِنَ الموت
، وعَيني مِنَ الدَّمعَةِ، ورِجلَيَّ مِنَ الزَّلَقِ".
3 حاجات هنا بينقذ الرب نفسي منهم
الأولانية: أنقذني من الموت وده لما فداني ومات علشاني
عشان يكون ليا حياة بعد ما كان ليا الموت. 💜
لكن الحقيقة مش بيسيبني بعد كده لكن بيعمل حاجتين بالنسبالي هما اللي مخليني مستمر لحد دلوقتي وسط العالم ده. أنه بينقذ عينيا من الدمعة.
تخيل كم الدموع اللي ممكن تمر بيها كل يوم؟!
هو حاسس بيها وهو بيمسحها وهو كمان عايز ينقذك أصلاً منها😇
مش بس كده كمان أنقذت رجليا من الزلق.🤩
التعبير هنا بتاع الزلق يعني مش بس ناس عملولي حاجة توقعني.
لكن أنا نفسي بخيبتي عكيت ووقعت نفسي
. هنا ربنا بيتدخل برضه وينقذني!
يعني لو الزحلقة متدبرالك أو أنت أخترت غلط وكعورت نفسك هو برضه يسندك ويشددك ويقويك ويخطي بيك! تخيل!
صديقي باصلي ليك النهارده أنك أولا تكون متمتع بإنقاذه ليك من الموت
وكمان أنه ينقذ عينك من الدمع ويحررك من كل حزن مسيطر على حياتك
وكمان أنه ينقذك من الوقوع سواء الوقوع ده بسببك أو بسبب غيرك هو ينقذك آمين🙏💜

#مطالع_الصباح🌤️
#تغيروا