24 - 11 - 2022, 03:28 PM
|
|
|
|
..::| الإدارة العامة |::..
|
|
|
|
|
|
فيه ناس كده ، تجيبلك الاول شرقة ، تبقى مش مخلياك لا تفكر
و لا تناقش و لا عندك حرية ، فرض رأي و إجبار على خدمتها ، يسموها "عفيّجة" ..
بعد الشرقة تيجى "اللزقة" : يدبسوك فى موضوع انت ما لكش علاقة بيه
، و يجبروك تخدمهم ، و يلزقوك فى مشاكلهم ..
و لو اعتذرت تبقى جاحد و ناكر للجميل : يا جماعة ما اعرفش فيه و ما ليس علاقة اصلا بيه
، و ما اعرفش حد يعرف حد له علاقة بيه !! برضه ح تعمله يعنى ح تعمله !!
و لو غلطت و تعاطفت ، تيجى "الغرقة" ، يبقى نصبوا لك الشرنقة و عملوا لك المصيدة :
كتفوك فى مشاكلهم و كلبشوك فى تعبهم ، و شيلوك اى مسؤولية فشل
، و انت اصلا لا ليك فى موضوعهم لا ناقة و لا جمل !!
خللي بالك : اللى أوله " شرقة " آخرته "غرقة" ..
اؤكد : اخدم الكل و من كل قلبك و بنية طيبة و حب خالص
، بس اول ما تحس انهم بيدبسوك و يستغلوك علشان يذلوك "اخلع" و أجرى
، و زى ما بيقولوا فى الحالات اللى زى كده "الجري من التدبيس مرجلة " !!
|
