ما هو رايكم فى الإختلاط فى سن ثانوى وما هى حدوده ؟
اخوتى الاحباء …
” النفس الشبعانه تدوس العسل وللنفس الجائعة كل مر حلو ”
(ام27:7)
الموضوع نسبى تماماً … اى الانسان اللى شبعان بربنا طبيعى يشوف اى واحده قدامه اخته وتلقائياً يعاملها كذلك فهذا ما يفرضه عليه داخله … وده لان الروح القدس فعلاً بيعلمنا ويرشدنا ويقومنا ويهذبنا لانه روح ربنا… وده مش بعيد عننا… لاننا بناخده جوا ناكل ما بنتناول جسد الرب ودمه وهو ده مصدر الشبع الحقيقى ….(لكن لمن يعرف حقاً قيمته ) لذلك اخى واختى عايز تختلط … اختلط اولاً بجسد الرب ودمه… والانسان الصالح من كنز قلبه الصالح يخرج الصلاح …. وقتها بس مش ها نخاف عليك او عليكى من الاختلاط … وده لان المسيح اللى جواك هو اللى بيتكلم وهو اللى بيعامل الطرف الاخر …. والكنيسة الحقيقه بتثق تماماً وتئتمن المسيح اللى جواك على اخواته لانه مش ممكن يسىء لهم … لكن تعمل ايه فى بعضنا اللى رافضين خلطة المسيح وعمالين يدوروا على خلطه الطرف الاخر..لهذا السبب بس بنخاف من الاختلاط فى سن ثانوى اذكرك تانى اختلط بالمسيح اولاً …
25 - 10 - 2022, 12:43 PM
رد: اخى واختى عايز تختلط … اختلط اولاً بجسد الرب ودمه
العرض العادي
