23 - 10 - 2022, 10:50 PM
|
|
|
|
..::| الإدارة العامة |::..
|
|
|
|
|
|
أصعب جزء بصليه في أبانا الذي في السموات
هو " أغفر لنا ذنوبنا كما نغفر نحن أيضا للمذنبين إلينا"
والحقيقة عشت طول عمري بقول في حاجة غلط أكيد في الكلمات دي.. مش معقولة ربنا يقصد يقولنا كدة وفضلت أدرس
وأدور وعلى أصل الجزء ده قلت يمكن مترجمة غلط وكده.
.. بس المفاجأة أنها كانت صح جدا 🤷🏻♂️
أقولك بقى الأكبر.. من وسط كل موضوعات الصلاة الربانية الموضوع الوحيد اللي السيد المسيح علق عليه بعد الصلاة بعد ما ختمها هو موضوع الغفران لما قال لو مغفرتوش مش هيتغفرلكم.. كأنه بيدي درس خصوصي زيادة بعد اللي علمهلهم وكأنه عارف أنه دي هتكون أكبر تحدي في محتوى الصلاة الربانية.😵💫
متخيل يعني إيه الله مش هيغفرلك لو مغفرتش. الحقيقة سنين مفيش أي شرح للموضوع ده اقنعني. لحد ما لقيت نور جوايا بينور الفكرة دي ومن ساعتها ده فرق معايا كتير وأحب أشاركك بيه..
اللي متمتع بغفران المسيح بجد بيكون غرقان في النعمة. غرقان في الحُب. غرقان في غفران المسيح. وبالتالي مش بيقدر غير أنه يعمل كدة. أنه يغفر. لأنه أولاً غافر لنفسه قبل ما يغفر لحد. وثانياً: متمتع بغفران ربنا ليه مش بس بيتغنى بيه 🤭
|
