|
 |
 |
 |
|
رقم المشاركة : ( 1 )
08 - 10 - 2022, 07:51 AM
|
|||||||||||
|
|||||||||||
 كل يوم الصبح باقرر إذا كانت مشيئة الله تتم في حياتي ولا لأ . كل قرار باخده في يومي ، بيأكد إذا كنت عايز امشي في المشيئة دي ولا لأ. اختيار علاقاتي والطريقة اللي باعيش بيها , والأماكن اللي باروحها بيأكد إذا كنت عايز اعيش في المشيئة دي ولا لأ. الغريبة ان كلنا بنطمن نفسنا بجمل زي: " اللي عايزه ربنا يكون / اكيد ربنا مرتبلي حاجة كويسة / ربنا عايز كده " اللي عايزه ربنا يكون : لما انا كمان أكون عايز اللي عايزة ربنا لحياتي .. ربنا مرتبلي حاجه كويسه اكيد : لما أخضع ليه وامشي الطريق معاه .. ربنا عايز كده : ايوه ربنا عايز خير وبركة عظيمة لحياتك ، بس علشان يحقق ده ، عايزك راجل تقدر تقف معاه وتعلن حقه ونوره لكل الأرض. مشيئة الله لشمشون انه يكون نذير مستخدم لخلاص شعبه : الأوقات اللي نجحت مشيئة ربنا في حياة شمشون . . هي الأوقات اللي إرادة وقرارات وعلاقات شمشون إتحدت بالمشيئة الالهية. والعكس كان واضح لما قرر شمشون إنه يخرج بره دايرة المشيئة الالهية , ويدخل في دايرة علاقات .. صحيح كانت ممتعة , لكنها كانت كفيلة تخليه يخسر مشيئة الله لحياته . اعمل في نفسك اللي انت عايزه وادخل في دواير كل هدفك فيها إنك تتبسط وبس عيش بلا هدف ولا جهاد ولا امانة تجاه نفسك بس بلاش في الآخر تسأل وتقول ( لما مايعجبكش اللي انت وصلتله) : ليه يارب بتعمل كده في حياتي ؟ لأن اللي انت بتوصله هو نتيجة قراراتك .. انت اللي قررت تخسر فرص رائعة بتمر عليك في كل يوم من حياتك إنك تستمتع بمشيئة الله. الخلاصة : قبل ما تصلي وتقوله "لتكن مشيئتك " اتأكد الاول انك مستعد تتنازل عن أي حاجة توقف عمل مشيئته في حياتك .. وإلا هتكون مجرد كلمة في صلاة مالهاش أي تأثير . خليك فاكر .. إنت المسئول عن تحقيق مشيئة الله لحياتك . 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| نسير حسب وصاياه وخطته ومشيئته |
| سنفهم ارادته ومشيئته في حياتنا |
| الدخول إلى فكر الله ومشيئته |
| لا تفقد خطة الله ومشيئته لحياتك |
| حريتي |
العرض العادي
