اكتشف رسالته لما اتقابل مع اللي كان بيحاربه

[walaa farouk]

شخص ملحد مهتم بالقضايا الدينية
وخاصة المسيحية تحديدا اللي تخص المسيح ..
أشتغل صحفي في صحيفة "شيكاغو تريبيون"
الأمريكية الشهيرة وصحف تانية لمدة 14 سنة
كان مهتم وقتها بالتحقيق في القضايا المسيحية الشائكة
زي ميلاد المسيح وحقيقة قيامته من الاموات وألوهيته ..
درس القانون بعمق وكان كل همه يثبت في ابحاثه وتحقيقاته
أن المسيح مش هو الله وانه مقامش من الموت أصلا
وأن قضية الفداء دي أسطورة وبالفعل كان بينشر نتايج أبحاثه
وتحقيقاته في الصحف المختلفة ..لكنه بمنتهى الجراءة والحيادية
والموضوعية وصدق الرغبة حاول يثبت عدم مصداقية المسيحية
وضعفها من خلال المقابلة مع المسيحيين
المدافعين عن الإيمان المسيحي نفسهم ..وفعلا اتقابل مع
ناس كتير منهم وسألهم بإهتمام أغلب الاسئلة الصعبة
اللي هو ومعظم الناس بيصارعوا فيها زي
(لو كان الله محبة ليه في معاناة في العالم بالشكل دا)؟
ولو كان يسوع المسيح هو الباب المؤدي إلى السما ..
فماذا عن ملايين الناس اللي مسمعوش عنه؟..
ولو الله بيهتم بكل إنسان، ليه هيعذب الناس
اللي مآمنوش بيه في الجحيم؟!..وغيرها كتير ..
وطول ماهو ماشي في الطريق الشائك دا كان
شوية شوية تسقط اعتراضاته لما يلاقي ليها
إجابات منطقية عقلية احيانا وإجابات فوق المنطق
في أوقات تانية .. لحد ما وصل لقلب المسيحية
وهو شخص (يسوع المسيح) ..وهنا اجتهد جدا ووجه
كل مجهوده واعتراضاته على شخصية المسيح وكونه
مش ابن الله وبالتالي التشكيك في قيامته بالأدلة والبراهين
لكن المفاجأة ان المسيح اتعامل معاه شخصيا ومع قلبه
وأفكاره وحتى موهبته في البحث والتحقق ..
وأعلنله الحق اللي كان بيدور عليه من خلال اعتراضاته وأسئلته
وقرر يتبع المسيح ..لكن كمان يستخدم موهبته في البحث
والتحقيق في كتابة كتب بتشرح اصعب قضايا المسيحية
والأجوبة اللي كشفله عنها الله خلال رحلة بحثه
زي كتاب "الإيمان" ولما وصل بعد بحث طويل ومتعب
لحقيقة (ان يسوع المسيح هو ابن الله الوحيد)
أصدر كتاب سماه "المسيح" بيعرض فيها أسئلته
اللي كان بيسألها وبيبحث ليها عن إجابة
والإجابات اللي وصلها بطريقة مقنعة منظمة موضوعية تماما
وبكدا لقي رسالة وهدف حياته وقرر يوصل الحق دا
لأكبر قدر من الناس بطرق كتير 😍
الشخص دا هو (لي ستروبل) ..
حاليا هو راعي في كنيسة سادلباك في ولاية كاليفورنيا
ومعلم وكاتب مسيحي متميز 👌