انت مش بعيد عن رحمة ربنا

[walaa farouk]

عندي واحد صاحبي جه قال:
"أنا لما بعدي بضغوط أو مشاكل
بقول خلاص أنا رحمة ربنا بعيدة عني..
والكلام اللي قاله صديقي، خلاني أفكر!
معقول في حد ممكن يكون بعيد عن رحمة ربنا!؟
طيب ايه هي الرحمة أساسًا؟
وافتكرت الآية دي "اَللهُ الَّذِي هُوَ غَنِيٌّ فِي الرَّحْمَةِ،
مِنْ أَجْلِ مَحَبَّتِهِ الْكَثِيرَةِ الَّتِي أَحَبَّنَا بِهَا،
وَنَحْنُ أَمْوَاتٌ بِالْخَطَايَا أَحْيَانَا مَعَ الْمَسِيحِ
بِالنِّعْمَةِ أَنْتُمْ مُخَلَّصُونَ " (افسس2: 4، 5)
الآية بتقول إن رحمة ربنا غنية،
ومن رحمته ومحبته لنا غفر خطايانا،
إحنا كنا أموات بالخطايا يعني منفصلين عن الله روحيًا
ومصيرنا هو النار، لكن بموت المسيح عنا إحنا رُحمنا
وأصبح لينا الإمكانية إننا نكون في علاقة مع الله
وهو شايفنا أبرار بسبب فداء المسيح
كمان في المسيح لنا الحياة الأبدية مش الموت الأبدي..
لكن المشكلة إن أوقات بنقرر نعيش حياتنا ونبعد عنه،
ساعتها إحنا فعلا ملناش رحمة، وملناش غير دينونة
رحمة ربنا متاحة ومش بعيدة عنك لكن..
أنت اللي بتقرر تبعد عن رحمته،
طول ما أنت لسه فيك نفس وعايش..
لسه متاحة ليك الرحمة، توب قبل ما يفوت الأوان.