"يهوذا بن يعقوب " جاذب الناس 💖

[walaa farouk]

يهوذا كان ابن يعقوب و اخ ليوسف الصديق و كمان بنيامين 🧑
و حصلت القصة المشهورة إن يوسف الصديق كان بيحكم مصر كلها و اخواته راحوا يجيبوا منه القمح علشان ميموتوش من الجوع 🌾
واللى كان من ضمنهم يهوذا و بنيامين
و يوسف رفض إن بنيامين يرجع مع أخواته تانى
لانه كان عاوز يشوف أبوه يعقوب 🙏
و حصل حوار بين يهوذا وبين يوسف اخوه وكان أقوى حوار فى سفر التكوين كله 👌
واللى فيه يهوذا كان بيدافع عن بنيامين اخوه و بيقول ليوسف إنه لازم يرجع و معاه بنيامين و إلا يعقوب أبوهم ممكن يموت 😥
و إن يوسف ممكن ياخد يهوذا بدل بنيامين 💔
فى الحوار ده كان يعقوب بيمثل ربنا ✝️
و بنيامين بيمثل الشخص المجهول اللى محدش يعرفه فى الكنيسه وبعيد عنها 😞
و أما بقى يهوذا فهو بيمثل الخادم الحقيقى و الجميل اللى بيحب الافتقاد و بيدور على الناس اللى برة واللى مش هينفع يقف قدام أبوة السماوى إلا و الشخص اللى برة ده معاه 😇
و إن كل الناس تدوق خير أبوة اللى فى السما 🙏💖
علشان كده يهوذا بن يعقوب نور مبدأ مهم فى الخدمة لكل خادم و كمان لكل كاهن و كان مثال " للخادم الحقيقى " 👌✨