|
 |
 |
 |
|
رقم المشاركة : ( 1 )
24 - 08 - 2022, 05:07 PM
|
|||||||||||
|
|||||||||||
 عيش أمين ايه هي الأمانة؟ يمكن بنسمع الكلمة كتير، لكن ياترى عايشينها؟! علشان نعيش امناء.. في جوانب مختلفة لازم نتأكد اننا عايشين فيها بأمانة.. 1- في الشغل 👨🏫 تعيش أمين في شغلك حتى لو اللي حواليك مش كدا والأمانة في أصغر الحاجات في الشغل أوقات الأمانة تكون إني مسرقش فلوس الشغل بس، لكن يا ترى ايه اخبار عهدة الشغل سواء ورق، أقلام، رصيد مكالمات وغيرهم كمان الأمانة في الشغل إني أدي الشغل حقه، مش أزوغ ولا أقعد مشتغلش، وأقول "مبررات "ما كل اللي حواليّ كده"، هو على قد فلوسهم"، "ميستحقوش غير ده عيش أمين في شغلك أيا كان اللي حواليك وطالما وافقت على الشغل اديله حقه 2- أمانة لله 🙌 أوقات الصلاة والعبادة بتبقى أمر ثانوي في حياتنا، أصل انا مش فاضي، هدعي على السريع في الطريق، لكن لازم تقعد أمام الله كمان الفلوس اللي الله بيديهالك بتطلع منها لله ولا لأ ؟ اوعى تكون بتسرق فلوس ربنا 3- نفسك أمانة 🧑 لو حد ادالك حاجة وقالك شيلها وحافظ عليها بتحافظ عليها وبتقول دي أمانة لا يمكن آجي ناحيتها، حياتك أمانة، حياتك نعمة الله ادهالك مينفعش تعيش كده وخلاص!، دي وكالة هتعطي عنها حساب، حافظ على صحتك، حافظ على وقتك، قاوم الخطية، متخليش الخطية والدنيا تلهيك ربنا يحفظك وتعرف تعيش بأمانة في شغلك وتعيش أمين لله وتحافظ على وكالتك. 
|
 |
| أدوات الموضوع | |
| انواع عرض الموضوع | |
|
العرض العادي
