27 - 09 - 2012, 12:13 AM
|
|
|
|
..::| مشرفة |::..
|
|
|
|
|
|
امتي تكون راجل في عنيها بجد ؟
مش لما تصرف او تقدر لوحدك تاخد قرار
لما تبقي انت الايد اللي تطبطب عليها وقت الكسرة
و تفهم دموعها تفهم حساسيتها و تفهم انها محتاجه لشخص يحتويها
و تفهم ان صوتها العالي دة دليل علي انها تعبانه من جواها و مش عارفه تعبر
كل الكلام اللي تعرفه في حياتها مبيعرفش يوصف علشان كدة بتصرخ
تفهم انها بتغير مش علشان قله ثقه في نفسها هي بتغير علشان شايفه ان مافيش حد ليه الحق انه يشاركها فيك بالرغم من انك فيك عيوب
تفهم ان ساعات اسرارها بيكون من الصعب انها تحكيها علشان بتكسرها و برضه بتختار انك تعرفها يعني متجيش بعد شويه و تذلها بيهم
تفهم ان تقلبها ديه حاجة مش بأيديها ديه طبيعتها اللي ربنا خلقها بيها شويه تفرح و شويه تعيط من غير سبب خليك ساعتها حنين عليها و متسألهاش علي اللي وصلها للحاله ديه حاول بس بحبك ليها تخرجها منها و تحسسها انك جمبها و عمر صورتها ما هتتغير في عنيك
متقارنهاش بغيرها و تقولها ديه بتعرف تلبس ديه بتعرف تتكلم بتعرف تفكر او حتي تسمع اصلك لو ركزت شويه فيها هتلاقي عندها حاجات عمرها ما هتكون في غيرها
بس انت دايماً بتدور علي اللي ناقص فيها عمرك ما فكرت تفرحها باللي موجود عندها , خليك حنين عليها
|
