|
 |
 |
 |
|
رقم المشاركة : ( 1 )
03 - 07 - 2022, 04:58 PM
|
|||||||||||
|
|||||||||||
 واحدة من الثوابت اللي اتربينا عليها واحنا صغيرين إزاي أن الكسل من اسوء السلوكيات .. 🤭 ولما كبرنا شوية شفنا أيات كتير في الحق الإلهي بتحذر من الكسل ونتايجه المخيفة ..🙌 لكن تخيل معايا كدة المشهد ده .. 👇 شخص كسول وجعان وقاعد بياكل الأكل المحطوط قدامه .. ببساطة بيمد أيده ببطء للطبق ياخد الأكل، وبعدها ببطء برضه يرجع أيده تاني لحد ماالاكل يدخل بقه، وبعدها يكرر نفس الأداء في مشهد ممل جدا، 🥱 الشخص الكسول ده بيكرر نفس الحركة البسيطة بكسل شديد، 🫤 لدرجة أنه بيوصل يمد أيده للطبق ياخد الاكل "وبيكسل" يرجع أيده تاني بالأكل .. 🫣 في الواقع هو "لسه جعان"، بس عادي يفضل جعان عشان "مكسل" يحرك أيده ..🫠 المشهد ده بيرسمه لينا سفر (الأمثال ١٩ : ٢٤) "اَلْكَسْلاَنُ يُخْفِي يَدَهُ فِي الصَّحْفَةِ، وَأَيْضًا إِلَى فَمِهِ لاَ يَرُدُّهَا." .. وهنا بيوضح حقيقة جديدة وخطيرة جدًا عن الكسل .. أن الكسول بيتحرك في دايرة مفرغة مش عاوز ولا قادر ينهيها، عنده احتياجات مهمة جدًا لكن كسله هو اللي بيشكل سلوكه .. أو زي مابيقولوا بلغتنا المصرية الكسل بيجيب كسل ملوش اخر ..🤥😴 المشهد "الغريب" ده بيشبه كتير أحداث في حياتنا الطبيعية .. لكن أبرز فكرة هي "كسلنا" في علاقتنا اليومية مع الله 😵💫.. أنا قدامي الأكل متاح "كلمته" .. 📖 وعارف إني جعان .. ومتأكد إني لو مبطلتش كسل هافضل جعان .. لكني باكسل أمد أيدي واكل عشان مش عاوز أعمل حاجة ..🙆♀️ نهاية الكسل "محتاج لقرار" .. 👌💪 قرار يكسر دايرة الكسل ويحط بداية جديدة لوضع مختلف بحياة أفضل ..💜 
|
 |
| أدوات الموضوع | |
| انواع عرض الموضوع | |
|
العرض العادي
