يارب أحفظ بناتنا وأولادنا في هذا الزمن الصعب 🙏

[walaa farouk]

من أيام شركة ديزني أشهر شركة رسوم متحركة للأطفال أعلنت بشكل واضح و صريح ان هيكون فيه تجسيد للمثلية الجنسية في أعمالها .

يعني هيكون في الكرتون اللي بيشوفه أطفالنا مشاهد بتجسد المثلية بين الولد والولد او بين البنت والبنت ، و ده بشكل تلقائي هيزرع عند الطفل في اللا وعي انطباع انه ينفع يتلامس مع الولد اللي زيه بشكل معين ينفع لما يكبر يكون بينهم علاقة حميمية ، و هكذا البنت .

إبليس الوقت ده مش بيهزر .. بيلعب بشكل واضح علي تدمير الانسان ، و أصعب تدمير هو ان الانسان يفقد هويته ميبقاش عارف هو مين ؟ هو جنسه إيه ؟ هو تبع مين ؟ هو بيعبد مين ، هو باباه مين ومامته مين .

بيلعب علي تدمير الهوية الجنسية و الهوية الأسرية و الهوية الروحية و الهوية النفسية و الهوية الأخلاقية ..

هيحارب بكل طاقته ان ميبقاش فيه زواج ، هيقنع كل الناس ان من حقك تتجوز وتطلق اي وقت لو معجبكش الوضع .. و ان مفيش حاجة اسمها زنا ده حب متفق بين طرفين ..

الأسر هتتدمر أكتر لذلك مش هيكون الانسان حاسس بأي أبوة أو أمومة و بالتالي هيشك في كل شئ حتي في ربنا .

ربنا يرحمنا و يحمينا الزمن ده ..

و اللي بيفكر يجيب أبناء لازم يمضي علي إقرار انه هيبذل مجهود مضاعف أضعاف في تربيتهم و في الحياة بقداسة لأجل انهم يتقدسوا .. تحدي صعب جداً و ده دور الكنيسة اللي هي جسد المسيح تعيش بنور سماوي حقيقي وسط الضلمة البشعة .

يارب أحفظ بناتنا وأولادنا في هذا الزمن الصعب 🙏