يارب انا عاوزة اتكلم معاك شويه ممكن ؟

[amal nabil]

يارب
انا عاوزة اتكلم معاك شويه
ممكن



اكيد مش هترفض
بس على فكره انا مش جايه صلى
انا جايه اعاتب واحكى واسأل واشكى
برضوا هتسمحلى احكى

اشكى وفضفضى
عاتبينى واسألينى
انا هسمعلك

مش عارفه اقولك ايه
بس انت حاسس باللى انا فيه
انا تعبت وزهقت
بس عارف
حاسه انك واحشنى
حاسه انى محتاجه حضنك
حضنك يارب اللى بيضمنى
محتاجه ايدك تمسح موعى وتطبطب عليا
اصل انا مليش غيرك
ما انت عارف انى وحيه فى الدنيا ديه
مليش حد اتكل عليه

عارف انا مش جاى النهارده اعاتبك زى كل مره
لا انا جايه النهارده اقولك ..... انه واحشنى حضنك
وحشتنى اوى يارب
احنا بنتكلم من بعيد
بتنقذنى من اخطائى من غير ما اطلب
بتسندنى وبتجيلى من غير ما اناديلك

انا بحبك يارب
بحبك اوى ومحتاجه حضنك
سكت ليه
زعلان منى ولا ايه
عارفه انى مزعلاك كتير
بس انا اسفه
يالا بقى خدنى فى حضنك
ولا انا بقى لما احتاجلك مبتسمعنيش (وعاتبته وانا مش واخده بالى )
طب انت فين روحت فين
صوتك اختفى من ودنى ليه

قالى : قالى فاكره صاحبتك اللى طبطبت عليك وكانت ديما بتسأل عنك
وكنتى بتحبيها وبتفرحى لما تشوفيها
انا اللى بعتهالك عشان تفرحى عشان تواسيكى

طب فاكره لما كنتى بتعيطى اوى
وفجأه سرحتى فى حاجات حلوة وبطلتى عياط
ديه كانت ايديا بتمسح دموعك وانا كنت بحكيلك على الحلو اللى فى حياتك

فاكره يا بنتى ولا فاكراك بحاجات كتير تانيه

قولتله فاكره يا ابويا
بجد انا بحبك اوى
يا احن اب

[kerstena]

بجد صلاة روعة
ربنا يبارك حياتك

[Ramez5]

ميرسى كتير على التوبك الجميل

[concord]

كلام جميل جداً جداً ربنا يباركك

[amal nabil]

المشاركة الأصلية كتبت بواسطة kerstena

بجد صلاة روعة
ربنا يبارك حياتك

ميرسي كرستينا علي مرورك الجميل

[amal nabil]

المشاركة الأصلية كتبت بواسطة ramez5

ميرسى كتير على التوبك الجميل

ميرسي مستر رامز علي مرورك الجميل

[amal nabil]

المشاركة الأصلية كتبت بواسطة concord

كلام جميل جداً جداً ربنا يباركك

ميرسي كرم علي مرورك الجميل

[رمانة]

امين
ميرسي للصلاة
ربنا يباركك

[Mary Naeem]

آميــــــــــــــــــ+ــــــــــــــــــن
شكرا يا قمر على الصلاة

[بنتك انا]

امين يارب محتاجالك
ميرسى ياامال ربنا يباركك