10 أسباب ليه لازم تستخدم الشبت في نظامك الغذائي

[walaa farouk]

"شَبَت كتير بقى"
10 أسباب ليه لازم تستخدم الشبت في نظامك الغذائي؟
طول عمرنا بنستخدم الشبت في الأكل عادي كده كنوع من انواع الزينة او إضافة نكهة للاكل، بس الحقيقة إن له فوايد غذائية كتيرة جدا تخلينا نستخدمه اكتر، اهمها
- بذور الشبت واوراقه غنية جدا بمضادات الأكسدة زي الفلافينويد، التربينويد، التانين وفيتامين ج، فلما تحط شبت على الشوربة ولا السلطة ده هيحمي جسمك من تلف الخلايا، الالتهاب المزمن، يقلل من مخاطر امراض القلب، التهاب المفاصل، وضمور الاعصاب، فلو في حد في العيلة ممكن يبقى بيعاني من باركنسون او الزهايمر، لما تستخدم الشبت في الأكل ده ممكن يبقى في مصلحتهم
- برضه الفلافينويد الموجود في الشبت بيقلل من الالتهابات اللي بتأثر على صحة القلب وده لأنه بيقلل الكوليسترول والجليسيرايد الثلاثي
- لما تاكل شبت، ده بينشط الخلايا البنركياتية وبيفرز انسولين فبيقلل تكسير النشا لجلوكوز وبيقلل فورة السكر وبالتالي بيقلل تكوين الدهون في الجسم
- الزيوت الاساسية في الشبت عندها خصائص مضادة للبكتيريا فبتحارب البكتيريا الضارة وكمان مضادة للسرطان، وفي دراسات بتقول إن الشبت ممكن يساعد في الحماية من وعلاج سرطان الرئة والثدي والقولون
- من اهم العناصر الغذائية الموجودة في الشبت هي حديد الكالسيوم، فيتامين د، وريبوفلافين، كل دول بيقووا العضم، فلما ناكل شبت باستمرار ده هيساعد على نمو العضم وتقويته ويزود امتصاص الكالسيوم، ده غير Yنه بيقلل من تحلل العضم وفقدان نسيج العضم وبالتالي بيقلل من خطورة الإصابة بحالات زي هشاشة العظام
- ممكن كمان نستخدم الزيوت الاساسية الموجودة في الشبت للتخفيف من الام الدورة الشهرية وده عن طريق تدليك البطن بيها، وفي دراسة بتقول اننا لما ناكل 1000 ميليجرام من الشبت لمدة 5 ايام (يويمن منهم قبل الدورة) فده هيخفف جدا من تقلصات الدورة الشهرية
- الشبت غني بفيتامين أ وده مهم لصحة العين وبيحمي من تلف الشبكية، وبيحسن الرؤية وبيقلل من خطورة بالإصابة بحالات زي المية البيضا وتحلل القرنية
- الشبت له تأثير مهديء على المخ فبالتالي بيساعد في عاج الأرق بسبب إنه غني بالفلافينويد ومجموعة فيتامينات ب
- زمان كان الشبت بيستخدم في علاج المغص عند الأطفال ولما نرش شبت على وش الاكل كده فده هيمنع حالات الانتفاخ وتكون الغازات وبيحمي من الإمساك، وبيساعد في علاج الحموضة
- آخر حاجة بقى فالسبت بيساعد على تحسين الصحة الإنجابية سواء لدى الستات او الرجالة.