|
 |
 |
 |
|
رقم المشاركة : ( 1 )
10 - 03 - 2022, 01:40 PM
|
|||||||||||
|
|||||||||||
 لوقت كبير كنت بسأل نفسي.. هو أنا ليه مش شايف خير في حياتي؟! ليه كل حاجة بتحصل عكس ما بتمنى؟! معقول يكون ربنا مش عاوز يديني الخير؟! وفي يوم وأنا بقرا الكتاب المقدس لفت نظري موقف مهم.. لما لابان راح يطارد يعقوب لما هرب منه، الله ظهر للابان وقاله جملة غريبة شوية.. "وَأَتَى اللهُ إِلَى لاَبَانَ الأَرَامِيِّ فِي حُلْمِ اللَّيْلِ وَقَالَ لَهُ: «احْتَرِزْ مِنْ أَنْ تُكَلِّمَ يَعْقُوبَ بِخَيْرٍ أَوْ شَرّ»." (تك 31: 24) وجه في بالي سؤال.. ليه ربنا حذر لابان من إنه يكلم يعقوب بخير؟! ولقيت الإجابة الطبيعية إن الله مكنش عاوز يعقوب يرجع مع لابان تاني.. فلو كان لابان قدم خير ليعقوب، كان ممكن يعقوب يرجع معاه تاني.. فنقدر نقول إن الله منع خير عن يعقوب كان ممكن يضره وقتها استوعبت حاجة مهمة جداً.. إن أحياناً الله بيمنع عننا أمور يبان إن فيها خير، لكن للأسف ممكن تضرنا وتؤذينا.. ولأن الله عارف منفعتنا فين، بيبعد عنا أي حاجة ممكن تضرنا حتى لو كانت خير.. والحقيقة إن أعظم خير ممكن نشوفه في حياتنا، هو وجود الله نفسه معانا وقريب منا.. وده اللي قاله داود النبي لربنا.. "قُلْتُ لِلرَّبِّ: «أَنْتَ سَيِّدِي. خَيْرِي لاَ شَيْءَ غَيْرُكَ»." (مز 16: 2) الله هو الخير الحقيقي وسط حياة مليانة بشرور كتيرة.. ينفع تكلمه وتقوله أنا عاوز أكون قريب منك علشان حياتي تتملي بالخير.. والرائع إنه عاوز يملى حياتنا كلنا بالخير الحقيقي، "لأَنَّ الرَّبَّ، اللهَ، شَمْسٌ وَمِجَنٌّ. الرَّبُّ يُعْطِي رَحْمَةً وَمَجْدًا. لاَ يَمْنَعُ خَيْرًا عَنِ السَّالِكِينَ بِالْكَمَالِ." (مز 84: 11) 
|
 |
| أدوات الموضوع | |
| انواع عرض الموضوع | |
|
العرض العادي
