احنا مش عارفين حكمتك أية يارب💔

[Mary Naeem]

احنا مش عارفين حكمتك أية يارب





كل يوم بنودع وبندفن شخص من احبابنا او أصدقائنا او حتى معارفنا...
واكترهم بيكونوا لسة فى عز شبابهم .
فيهم اللى لسة متجوزتش أو اتجوز وسايب أطفال صغيرين وفى لحظة كدا بقوا ايتام.
حكمتك يارب
انا مش بعترض على إرادتك ولا حاجة. وعارف أن دا انسب وقت للشخص المنتقل ليكون بجوارك. وقد جاهدت الجهاد الحسن، اكملت السعي وحفظت الإيمان..
ودا يارب اللى بيجعلنا نتأمل في كل أقوالك وأحكامك

ما أروع حكمتك يارب عن الفهم

ونلاقى ناس كبيرة فى السن بتبدع وتتفنن فى ازيه الناس وخراب البيوت..
وناس عايشه تتكابر على اللي حواليها...
ناس عايشه تاذي ف ناس....
وناس عايشه تتكلم ع غيرها بالسوء ...
وناس عايشه للمظاهر الخادعه
وربنا كل يوم يبعتلهم رسائل عن شخص مات أو شخص تعب بمرض خطير
وكل دا عشان يفوقوا من غفلتهم ويبعدوا عن شرورهم
( إن الله يريد الناس يخلصون وإلى معرفة الحق يرجعون )

وأخيراً لا أجد كلام سوى كلام الكتاب المقدس
"وَيْلٌ لِلْعَالَمِ مِنَ الْعَثَرَاتِ! فَلاَ بُدَّ أَنْ تَأْتِيَ الْعَثَرَاتُ، وَلكِنْ وَيْلٌ لِذلِكَ الإِنْسَانِ الَّذِي بِهِ تَأْتِي الْعَثْرَةُ!" (مت 18: 7).

وإن الله يعطى كل شخص حسب أعماله

‏يارب لا تأخذنا في ساعة غفلة خدنا مستعدين وتايبين ومصليين ومتناولين لا حد زعلان مننا ولا زعلانين من حد خدنا في هدوء وسلام من غير تعب ولا ألم ..