|
 |
 |
 |
|
رقم المشاركة : ( 1 )
19 - 01 - 2022, 09:24 PM
|
|||||||||||
|
|||||||||||
 ق.بطرس الرسول لما كانت زوجته رايحة تستشهد بسبب خدمتها وإيمانها هو كان بيعزيها و يشجعها وكان بيقولها وسط ألمها وصعوبة الموقف "اذكري الرب يسوع" ذِكر الرب هنا مش ترديد شفاهي بالفم وخلاص كده لاسمه المبارك في موقف صعب بنمر بيه .. لا مش كده لكن الذكر هنا علي قياس : "فِي كُلِّ الأَمَاكِنِ الَّتِي فِيهَا أَصْنَعُ لاسْمِي ذِكْرًا (آتِي إِلَيْكَ) وَأُبَارِكُكَ." [خر ٢٠ : ٢٤] هو الذِكر اللي الله بيصنعه في قلوب طالبيه فينفتحوا علي حضور شخصه المبارك. الذِكر اللي فيه الشخص بيجمع أنّاته الداخلية في نقطة واحدة جواه ويسكب نفسه ويحضرها قدام الله ويردد الاسم المبارك بصرخة قلبية حقيقية مركزة واعية. الذِكر ده يفتح القلب علي الحضور الإلهي أي حضور شخص الله في المملكة الداخلية، و يحضر النفس قدام الجالس علي العرش فتستقبل من الله اللي عايز يديهولها في هذا الوقت وفي هذا المكان (هنا والآن) أي حضور الله اللي خارج المكان والزمن جوا المكان والزمن ليك وليّ. نؤمن. يا صديقي .. في تحدياتك واوجاعك "اذكر الرب يسوع" .. اصعِد في قلبك ومذبحك الداخلي صرخات حقيقية متضعة منسحقة لحوحة، اصعدها وانفتح علي حضور الله اللي حتما يسرع لمعونتك وخلاصك. نؤمن 
|
 |
| أدوات الموضوع | |
| انواع عرض الموضوع | |
|
العرض العادي
