فشفاهم

[walaa farouk]

وأنا بكتب العهد الجديد بخطي زي ما اتفقنا على الصفحة 📝
وقفت قدام مشهد عجيب في بداية خدمة يسوع بيقول كدة في "متى ٤"
"فأحضَروا إليهِ جميعَ السُّقَماءِ المُصابينَ بأمراضٍ وأوجاعٍ مُختَلِفَةٍ، والمَجانينَ والمَصروعينَ والمَفلوجينَ، فشَفاهُمْ."
شايف القائمة الطويلة دي من المشاكل اللي عند الناس والتعب اللي بيقابلوه
في منها الجسدي
وفي منها العضوي
وفيها النفسي
وفيها الروحي
مش مهم نوع المرض، مش مهم بقاله قد إيه
مش مهم نوع التعب، مش مهم حاولت فيه كام مرة وأد إيه!
المهم يجي قدام يسوع. بس خلاص.
كلمه واحدة بعد كل القايمة الطويلة دي حلت كل حاجة:
فشَفاهُمْ!!! هللويا

شكرا ليك يا رب شكرا
لأني أيا كانت حالتي إللي بجيلك بيها
سقم ملوش علاج
إصابة ملهاش دوا
مرض بقاله سنين
وجع مختلف محدش عارفه ولا حتى فاهمه
حتى لو وصفوني أني مجنون
حتى لو في اللي صارعني ومش عارف اتحرر منه وانتصر حتى عليه
حتى لو بقيت خلاص مشلول ومش قادر أتحرك
أنا جاي ليك وبس. وعارف أن عندك الشفا
جاي لأنه عملتها قبل كدة وهتفضل تعملها لأنك أنت مش بتتغير امبارح والنهارده وبكرة

[بشرى النهيسى]

جميل جدا
الرب يباركك