لينزع عاري بين الناس

[walaa farouk]

محطوطه قصاد عيني الايه اللي قالتها انهارده اليصابات (لينزع عاري بين الناس )
في مشاعر جوه كل واحد فينا مشاعر ان كل واحد فينا نفسه ربنا يرفع راسه في امر معين
لان للاسف اللي خلي اليصابات تحس بالعار ده مش علشان مش بتخلف
لكن نظرات الناس وكلامهم اللي يوجع
اوقات سبب من اسباب ان الواحد حاسس انه مكسور ونفسه ان ربنا يرفع راسه
مش انه طلبه ماتحققش ممكن الواحد يعيش من غير طلبه عادي
ويعدي ويكمل لكن الناس ،الناس اللي لسانهم يكسرك
ويوجعك اللي نظراتهم ممكن تهد حيلك
اوقات حتي الطبطبة بتاعتهم بتكسرك لانك عارف ان طريقتهم مش من جواهم
علشان كده اليصابات قالت (هكذا قد فعل بي الرب في الأيام التي فيها نظر إلي ، لينزع عاري بين الناس )
الايام التي نظر فيها اليا اهو ده بقي النقطه المهمه
ربنا نظرته عليا اذاي وانا مكسور والناس كسراني نظرته انه هاينزع عاري
هو شايف اني مكسور ومحدش شايف
هو شايف اني مكتوم ومحدش حاسس
هو شايف اني مضغوط ومحدش شايل
هو شايف اني محتاج ومحدش مقدر
هو شايف كل حاجه ومجرد اني مصدق انه شايف ده لوحده هاينزع عاري وكسرتي ووجعي
مجرد نظرته ليا بتريح حتي لو مافيش حاجه متحققه
انزع يارب عار وكسره ووجع اللي جه من كلام الناس وطريقتهم الصعبه اللي وجعت كل واحد فينا

[بشرى النهيسى]

مشاركه مثمره
ربنا يفرح قلبك