زوادة اليوم: الإبتسامة بتعدي : 5 / 12 / 2021 /

[souad jaalouk]

زوادة اليوم:

الإبتسامة بتعدي

إبتسم لذاتك: ضلّ إبتسم لحدّ ما جأرتك وعبستك وقساوتك يختفو.

إبتسم لذاتك لحدّ ما بسمتك تدفّي قلبك وتفرح إنت بوجّك اللي عم يضحك.

وساعتها، إحمل بسمتك وطلّ فيها ع الآخرين.

وإبتسم: إبتسم للوجوه المتروكه، للوجوه الخجوله، الحزينه، المريضه، الصبيّه والنديّه، الجليله والمجعّده.

إبتسم للوجوه بعيلتك وبين أصحابك.

وعدّ إذا بتقدر، البسمات اللي رح تخلقهن بسمتك.

وشوف كيف رح بتكون هالحركه الزغيره عم تحمل الحياة والرجا، وعم بتكون نقطة إنطلاق لتوبة خاطئ، وعم تربح أصدقاء مخلصين.

وإبتسم لألله: بقبول كل إرادتو بحياتك.

وخود ع عاتقك تكون رسول الفرح وبسمتك أداة بتساهم بزرع السلام بكل القلوب.

الزوّادة بتقلّي وبتقلّك :

بإيام إنعدمت فيها البسمه، وصارت الوجوه اللي حوالينا أغلبها حاملة الهمّ والحزن، فكّرت شي مرّه إنّو البسمه بتحمل رساله؟ والله معك

[walaa farouk]

ميرسي علي زوادة اليوم
ربنا يفرح قلبك

[Mary Naeem]

جميلة جدا
ربنا يبارك حياتك