بنتى مش بتحب المفاجأت .....

[توتا كمال]

بنتي مبتحبش المفاجآت

كنت قاعده مع واحده قربتي أول أمبارح
وكانت بتشكيلي أنها بتضايق جدا أن بنتها
مش مرنة

وأنها لازم تهيأ بنتها لأي مفاجأه أو تغير لان المفاجآت أو التغيرات فى روتينها المتعوده عليه بيضايقها جدا جدا وبيعمل مشاكل رهيبة

كانت بتحكي وهي مضايقة ومخنوقة وحاسه أن بنتها مش طبيعيه ومتعبه جدا عن أى بنت تانيه
___________________________________________

فقولتلها: طيب عملتي ايه علشان تحلي المشكله دي

قالتلى: انها جربت تكتر المفاجآت فى حياتها علشان تاخد على كده

أنا:بتعالجيها بالصدمه يعني😏

هي:حاجه زي كده 😁

انا:طب وبعدين ايه اللى حصل

هي:الموضوع اتقلب لعكسه وبقت الدنيا أصعب

فسألتها: بما أن البنات في السن ده أوضهم دايما مبهدله لو الأم منظمتهاش بنفسها ...أخبار أوضة بنتك أيه

ردت عليا: أن معندهاش المشكله دي خالص

فقولتلها: تعتقدي كام أم نفسها يكون عندها بنت منظمه زي بنتك

سكتت شويه وكأنها أكتشفت حاجه كانت مش شيفاها وقالت :كتير جدا طبعا

وقالتلي: انا كده بقيت مش عارفه هي دي نقطة قوة ولا نقطة ضعف
__________________________________________

💥فرديت عليها أن

عدم المرونه في بنتك هي نفسها سبب أنها منظمه ومرتبه جدا فى حاجاتها كلها وكمان أفكارها

والأتنين مصدرهم نقطة قوة واحده وهي "التنظيم"
بس أوقات لما بنستخدم نقطة القوة بشكل زيادة عن اللزوم أو غلط

أو نشوفها من زاويه سلبيه
ممكن نحسها نقطة ضعف

زي واحد قوي جدا وبيلعب رياضه ممكن يستخدم قوته دي في مساعدة الناس الضعيفه أو ضرب الناس ويفتري عليهم

وهنا الميزان هيكون انتي بتشوفي نقطة القوة دي أزاى وبتستخدميها أزاي برضه

وهنا هتكوني محتاجه تستخدمي نقطة قوة بنتك صح وتقدريها وفي نفس الوقت تتقبلي عدم مرونتها بأنك تحافظي علي تنظمها لحياتها وتتجنبي على قد ما تقدري المفاجآت معاها

وتدربيها على المرونه براحه وعلى فتره طويله شويه
علشان تعلميها التوازن وتكون شخصيتها قوية ومتميزة أكتر

[Mary Naeem]

مشاركة جميلة جدا
ربنا يبارك حياتك

[walaa farouk]

مشاركة جميلة
ربنا يفرح قلبك

[بشرى النهيسى]

FONT="Fixedsys"]
جميل جدا
الرب يفرح قلبك

[/FONT]