|
 |
 |
 |
|
رقم المشاركة : ( 1 )
06 - 11 - 2021, 09:58 AM
|
|||||||||||
|
|||||||||||
 في مرة السيد المسيح كان متجمع حواليه ناس كتير جداً.. كانوا حوالي 5000 راجل بزوجاتهم وأولادهم، ولما الشمس بدأت تغيب تلاميذ المسيح حسوا إن في مشكلة.. الناس بدأت تجوع والمكان اللي قاعدين فيه كان فاضي وبعيد عن بيوتهم.. وكان صعب إنهم يجيبوا أكل للعدد ده كله من الناس.. لأن تكلفة الأكل كتيرة عليهم.. فراحوا كلهم للمسيح وعرضوا عليه الأمر، واقترحوا عليه حل للمشكلة دي.. وهو إنه يخلي الناس تروح بيوتهم علشان ياكلوا فيها، لكن رد المسيح عليهم كان غريب شوية! قالهم: أعطوهم أنتم ليأكلوا.. المسيح خلى التلاميذ يفكروا في حل مختلف للمشكلة، بعيد عن الحلول التقليدية والبديهية.. وده لأن في أوقات كتير بنحتاج إننا نفكر في حلول مشاكلنا بطريقة جديدة.. واحدة من الطرق دي إننا نفكر في قدرة إلهنا على حل المشكلة مش قدرتنا إحنا.. المسيح كمان ساعدهم إنهم يشوفوا أيه امكانياتهم لحل المشكلة.. ولما بدأوا يفكروا بشكل مختلف اكتشفوا إن عندهم أكل بسيط.. خمس خبزات وسمكتين، صحيح إنهم ميكفوش العدد ده كله، لكن المسيح قدر إنه يبارك في القليل وأشبع بيه الجموع.. ياما كتير اتعرضنا لمشاكل ووقفنا قدامها عاجزين.. علشان كنا بنبص على إمكانياتنا وقدراتنا وبس، لكن الله عاوزنا نبص على قدرته هو في حل المشاكل.. وكمان نشوف إمكانياتنا حتى ولو بسيطة ونحطها بين إيده، مكتوب عن إلهنا إنه يستطيع كل شيء ولا يعسر عليه أمر، ارفع عينك على إلهك وثق في قدرته على حل أصعب المشاكل في حياتك. 😍👌 ☺️ 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| آمن إنك هتشوف قدرته في حياتك |
| دع وعود الله تنير حياتك وتبدد أذي المشاكل |
| ما أصعب أن يأتيك خبر موت من هو حياتك |
| أصعب معركة في حياتك |
| أصعب معركه في حياتك |
العرض العادي
