تعال اعرف رئيسك

[youssef .youssef]

احبائي رواد الفرح المسيحي

تعالوا نعرف رئيسنا اللي هننتخبه من خلال مناقشاتنا مع بعضنا البعض

لنخرج برأي سليم

علي الاقل لاني ادرك ان توجهاتنا ليست واحده

ولكن في النهايه هيكون قدام اعيننا كل شئ ظاهر
انا انتخبت رئيس مصر القادم قبل يومين

عن طريق سفارتنا المصريه

وهنا هتكلم شويه لان الراجل اللي كان هناك عصبني ع الاخر

وهكتبلكم الحوار اللي دار بيني وبينه

اول شئ انا دخلت السفاره وقابلت بالترحيب مثلي مثل الاخرين

الذين كانوا معي وطبعآ لاننا من ابناء مصر ودي سفاره مصر

فلازم هيكون فيه ترحيب واهلآ وسهلآ

ما احنا بقا في سفاره مصريه في اوروبا بقا

يعني منتهي الحريه والتعامل والديمقراطيه

ولكن مع الاسف الشديد

ذهبت الي الغرفه الخاصه بالتصويت

ووجدت المسئول يقول لي

حضرتك جاي تنتخب

جاوبته نعم وهو يعني انا هستأذن من شغلي الساعه دي

علشان جاي اتمشي ع البحر

ههههههه

طبعآ ابتسمنا سويآ ههههههه

وفجأه وهو بيديني الورقه بيقولي

والباشا مركز ولا

قولتله ايه ولا دي

قالي يعني ممكن نقولك

قولتله اتفضل قول

قال علم علي مرسي

قولتله نعم مين مرسي داه هههههههههه

انا عارف هو يقصد ايه بتاع الاخوان

قولتله ليه مرسي

قال علشان هو الافضل

قولتله من اي ناحيه

الافضل علشان هيخليلي مصر افغانستان رقم 2

ولا علشان ايه

راح ساكت

قولتله حضرتك انا هعلم علي احمد شفيق

قالي اوكي براحتك اتفضل الورقه وبراحتك

طب ما كان من الاول يا استاذ
لازم تقولي مرسي ومش مرسي

علي فكره انا الموضوع داه ضايقني جدآ

وقولتله عارف الانتخابات دي هيبقا فيها لعب كتير

قالي ليه

قولتله اذا كان سيادتك وانتي في السفاره هنا وخارج مصر

وفي دوله اوروبيه

بتعمل كده

امال اللجان اللي في مصر ايام الانتخابات الرئاسيه هتعمل ايه

هيكون فيها ايه

يعني مرسي داه زارع ناس في كل لجنه



انا يا جماعه كنت ذاهب للسفاره وكنت حاطط في بالي يا عمرو موسي

يا احمدشفيق لان الاتنين دول بس هما اللي موجودين يقدرو يقودو مصر في السنوات

الاربع القادمه

وخصوصآ احمد شفيق لانه راجل بيحمل فكر اوروبي وهيعمل اصلاحات في مصر

ومصر محتاجه داه الايام القادمه

محتاجه اللي يطهرها من البلطجيه والاخوان



اما حمدين صباحي راجل كويس لكن فكره ناصري

وبيقولك خير مصر لاهلنا في غزه

مع احترامي الشديد لاهل غزه ولكل العرب

بس مينفعش اسيب بلدي ضايعه واجري وراء العروبه



مش كده ولا ايه



اسف لو كنت اطلت في موضوعي

بس بنحاول نتناقش مع بعض لان الانتخابات علي الابواب

ولازم نختار صح علشان منتشتتش

وربنا يحفظ مصر وشعب مصر

[بنتك انا]

حاجة بجد تحزن
ربنا يتصرف بقى
لانى الواحد زهق من التزوير والقرف
مرسى استاذ يوسف ربنا يعوضك

[god is love]

على راي سعد زغلول
مفيش فايده