الفرق بين دروس الأطفال والكبار

[Mary Naeem]

"اكرز بالكلمة. اعكف على ذلك... عظ بكل أناة وتعليم"
(2تي 4: 2)

الفرق بين دروس الأطفال والكبار
لو المستمع سنه صغير ممكن الدرس يتقري من أي كتاب ويتقال. أي حكاية أو معلومة بتقراها في خمس دقايق وتقعد تشرحها نص ساعة للأطفال بالحركات والعرايس. لكن كل ما يكبر سن وعقل المستمع كل ما دور المتكلم يختلف.

عشان كدة أهم خطوة قبل ما تحضر كلمتك هي تحديد المستمع. لو انت بتكلم اطفال هاتقول لهم كلمة غير لو بتكلم اجتماع الأسرة، حتى لو كان الموضوع هو هو. ويمكن ده يكون موضوع بديهي، بس مش بديهي قوي لما بنلاقي اولاد صغيرين في مدارس الاحد قاعدين ساعة بيسمعوا الدرس وزهقوا، او لو سامعين ومش فاهمين، الي آخره.
مهم كمان نفكر في الدرس واحنا فاهمين ايه الخبرة أو المعرفة السابقة للمستمع بتاع الكلمة. يعني لو بتكلم فصل مدارس أحد فالمستمعين هايكونوا متجانسين أكتر من لو بتتكلم في عشية أو نهضة، وبالتالي الدرس الموجه لمستمعين متجانسين في الخبرة والسن والظروف بيكون أسهل وتحدياته أقل من الكلمة أو الدرس الموجه لجمهور عريض من الناس.
وبالتالي، مهم نعرف ايه الرسالة اللي عايزين نوصلها للي هايسمعوا الكلمة، ودي هانجيلها في النقطة رقم 3 باستفاضة.

[بنت معلم الاجيال]

موضوع جميل اوي

[Mary Naeem]

شكرا على المرور

[بشرى النهيسى]

جميل جدا
الرب يباركك