27 - 08 - 2021, 02:01 PM
|
|
|
|
..::| الإدارة العامة |::..
|
|
|
|
|
|
باخبي دموعي ورا ضحكتي ..
مرات لاني بأحب قوي .. باخبيها لاني مش عاوز اكشف دموعي لابني
او شريك حياتي او صديقي الغالي و هو مسافر و غايب عني ..
و مرات باخبيها لاني مش عاوز أبين وجع قلبي علي حبيب منهم لي
و هو مريض علشان ما يضعفش و يتعب اكتر بسببي .
و مرات لاني حساس ، و من الحبايب اللي كلامه قاسي و جلد و قسوة ،
و مش عاوز أبين ضعفه و لا اعاتبه ،
مرة لاني مش قادر و مرات لانه مش بيسمع أو لما بيسمع بيعورني اكتر و الوجع يبقي وجعين..
و مرات بأخبي دموعي لاني مش عاوز إبان ضعيف لا قدام نفسي و لا قدام حد .
. شوية ظلم علي غدر علي تخلية علي خيانة علي قهر..
و اتاريني باحبسك يا دموعي جوايا ياما ، و لما اقعد مرة الاقيها بتمطر لوحدها ،
اتاريني مخزنها جوايا من سنين..
انا و دموعي أصحاب، فاهمها و فاهماني، دارسها و دارساني..
بس مرات يا دموعي بتخونى سري و تفضحيني ،
و عتابي عليكي اني ياما ما لحقتش اداريكي بضحكتي !!
|
