14 - 08 - 2021, 07:02 AM
|
|
|
|
..::| الإدارة العامة |::..
|
|
|
|
|
|
لو ربنا اتأخر عليك في الاستجابة..
اتاكد إنك مش لوحدك..
- ابونا ابراهيم صبر ٢٥ سنة لغاية ماتم الوعد
وبقي عنده ابن (( اسحق ))
- يوسف صبر ١٣ سنة.. منهم ١١ سنة في السجن
بعدها بقي الرجل التاني في مصر
- أيوب صبر ٧ سنين لغاية ما انتهت تجربته..
- موسى صبر ٤٠ سنة لغاية ما انتهت تجربته.. الخ..
العامل المشترك بينهم كلهم..
هو صبرهم.. والتعويض الكبير من ربنا ليهم ❤
= تصور الناس دي لو يأسوا بدري شوية..
كان هيحصل ايه؟! ماكانوش هياخدوا حاجة للاسف.
امسك بالرجاء والأمل..
الرجاء والثقة.. بيهونوا قسوة الأيام مهما كانت،
ومن غيرهم الأيام صعبة وتقيلة ولا تطاق..
وعندنا وعد إن
الرجاء لا يخزى ( رو ٥ : ٥ )
بصبركم اقتنوا أنفسكم (لو 21: 19).
مهم كمان نفتكر..
- إن الرجاء.. يفتح ابواب السماء..
- وإن يوم واحد بعد الاستجابة والتعويض..
هينسينا تعب سنين عيشناها.. ❤
|
