11 - 08 - 2021, 02:35 PM
|
|
|
|
..::| الإدارة العامة |::..
|
|
|
|
|
|
طرق إبليس في خداعه لينا
هي الطرق غير المباشرة زي:-
1) الثعالب الصغيرة
الموضوع هيبدأ بحاجة بسيطة أوي لا تكاد تذكر،
زي ثعلب صغير يدخل الجنينة، هتتهاون معاه وتسيبه
ومع الوقت العادة الغلط المؤذية الصغيرة هتتحول لثعلب كبير
بس جوة مش برة وتتحول العادة لعدو بيدمر كل حاجة جوة حياتك.
2) مسمار جحا
الشيطان ممكن فعلا يشجعك جدًا تسلك باستقامة وباحترام في حياتك
بس بشرط يفضل جزء في قلبك وحياتك بتاعه هو
وساعتها بسهولة هيرجع تاني، بسهولة يغرقك معاه.
3) التجربة مش عيب
عمره ما هييجي يقولك تعالى أعلمك تبقى مُدمن! ..
لا خالص هيقولك يا سيدي جَرب
ولو معجبكش خلاص بلاش ..التجربة مش عيب.
4) روح وتعالى منين ما تحب.
هيقنعك إنك رئيس جمهورية نفسك وصاحب أقوى إرادة في العالم،
اللي هتخليك مهما وصلت لأي مرحلة من العك والدمار.. هتعرف ترجع،
وطبعا تتفق معايا إن الكلام دا ايه!؟ مش بيحصل
5) ارجع لماضيك
ودي من أخبث الأسلحة ببساطة علشان كُلنا بدون استثناء
ماضينا فيه حاجات مُخزية وخبرات فشل وإحباط كتير ودي الحقيقة!
لكن نص الحقيقة التاني اللي متعرفهاش
إنك مش مضطر تتحبس في ماضيك..
وكل ما تيجي تتقدم تفتكر ماضيك وتصدق إنه هيكمل!.
|
