cast away

[walaa farouk]

الفيلم ده أسمه cast away،
الفيلم بيحكي عن موظف في شركة بريد، كان بيوصل طرد عيد ميلاد ووقعت الطيارة،
ولقى نفسه لوحده في جزيرة منعزلة،
وفي الفيلم بنشوف إزاي كانت أيام البطل صعبة وقضى شهور وسنين في الجزيرة،

والفيلم بيحكي إن أكتر الحاجات اللي ساعدته أو خلته على قيد الحياة هي "كرة طائرة"
وهو بيحاول يصنع قارب جرح نفسه وسال الدم وعمل على الكرة شكل شبه وجه الإنسان،
ولما تأمل الشكل ده حس فعلًا كأنه قابل إنسان،
فا كمل العمل اللي يخلي الكرة تشبه وجه إنسان،
وفضلت الكرة دي هي الصديق اللي بيخفف عن البطل وحدته،
وبيحكيله وبيتكلم معاه،
واللي بيخليه قادر يكمل الحياة لحد النجاة.
وكأن إمكانية الحياة بدون ما نتسمع ونحس إن في حد معانا هو شيء من أصعب ما يكون.

وجود علاقات في حياتنا، ناس تسمعنا ونسمعهم هو حاجة أساسية عند كل حد فينا❤
وده بيخلينا نقدر العلاقات أكتر وندرك أهميتها في حياتنا..