|
 |
 |
 |
|
رقم المشاركة : ( 1 )
05 - 07 - 2021, 07:52 PM
|
|||||||||||
|
|||||||||||
|
واحد من الناس بيقول: لما خلصت السيراميك في الشقة عندي إتبقى حوالي 3 متر رمل جوة الشقة.... كانوا عاملين ذي الجبل.... واكلين نص الصالة بالظبط.... والنقاش قالي مش هاقدر أشتغل والرمل دة موجود.... ومستحيل طبعاً أجيب ونش تاني علشان يشيلهم.... بقيت أسأل الفواعلية تاخدوا كام وتشيلوا الرمل فكل واحد بقى يقولي سعر شكل.... اللي يقولي 500 واللي يقولي 400 وكل واحد بقى يتنطط عليا.... وأنا بقى إتغاشمت وقولت مش هادفع الرقم دة مهما حصل.... واحد صديقى قالي فيه واحد عاوز يشتغل اي شغلانة وخلاص إسمه عم سعيد .... فكلمهولي فقاله هايشيل الرمل ب 80 جنية.... قولتله مية مية... هاتهولي.... لقيتو راجل كبير في السن وعنده تلعثم في الكلام ونص كلامه مش فاهمه.... كل اللي فهمته انه عاوز يشتغل وخلاص لإن معهوش فلوس.... انا قولت ياربي الراجل جاي لوحده.... وراجل كبير.... هايعمل ايه دة....!!!! الراجل جه معايا وبدأ يشيل في الرمل.... شويتين ولقيته بدأ يتعب.... وفعلاً صعب عليا.... روحت قولت يا واد قوم ساعده حرام.... دة كفاية إنه هايشيل جبل ب 80 جنية.... فبقيت أعبي معاه الرمل وأشيلها وأطلع بيها فوق السطح.... فلقيته بصلي وفهمت منه بالعافية انه بيقولي حقك عليا يابني اني خليتك تشيل..... الراجل صعب عليا... واللي صعب عليا اكتر إن لأجل الحظ النحس ماكنش في جيبي غير 100 جنية بس.... يعني حتى مش هاقدر أزودله أكتر من 20 جنية.... قولت انا هاساعده وأشيل معاه وخلاص.... بعد يوم طويل اتهديت أنا وهو فيه ، قدرنا نرفع 3 متر رمل.... روحت قولتله ياعم سعيد انت راجل طيب.... انا اتفقت معاك على 80 جنية لأ خد 100 جنية.... وكأني ببقشش عليه.... مع إنه يستحق أضعاف الرقم على التعب دة.... رفعت عيني لربنا وقولتله حقك عليا يارب.... يارب مفيش في جيبي غير ال 100 جنية دي لإني نسيت الفلوس .... المهم قولت لعم سعيد أنا هاديك حاجة حلوة... فكان عندي كام بلوڤر قديم على كام قميص.... قولتله خدهم اكويهم وإلبسهم.... الراجل كان طاير بالهدوم القديمة دي من الفرح ... وكان فرحان بال 20 جنية الزيادة.... وهو مايعرفش اني قاعد اقول جوايا سامحنى يارب مقدرتش اساعد اكتر من كده.... الراجل لبس قميص منهم علشان يروح بيه.... وأثناء ماكان بيقلب فيه لقى جواه 250 جنية.... ومن أمانته لقيته بيقولي أنا لقيت دول.... قولتله ياعم سعيد ده ربنا بعتهوملك.... خدهم دول بتوعك وحقك.... بصيت للسما وقولت ياااااااه يارب.... انت حاسس بتعب الراجل وحسيت باللى جوايا وماروحتنيش زعلان و روحت عم سعيد وهو معاه قوت يومه وبزيادة سامحنى يارب ، والحمد لله جبر الخواطر علي الله من سار بين الناس جابرا للخواطر ادركه الله في جوف المخاطر 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| ويبقي الله في كل حين جابرا الخواطر |
| جبر الخواطر علي الله |
| جبر الخواطر على الله |
| ويبقي الله في كل حين جابر الخواطر |
| من جبر الخواطر ادركه الله فى جوف المخاطر |
العرض العادي
