حواجز اخترقتها حنه ام صموئيل بايمانها

[walaa farouk]

-حنه- أم صموئيل سيدة عظيمة قدرت تخترق بإيمانها حواجز ومعطلات كتيرة




1️⃣أول اختراق....
ان هى وجوزها -ألقانه- كانوا سنه وراء سنه كانوا بيروحوا يقدموا ذبائح للرب.. يعنى من سنين طلبتها ما كانتش بتستجاب.. لكن مع ذلك لم تستسلم ولم تغير عزمها.

2️⃣تانى اختراق....
هو ضرتها -فننه- كانت تغيظها لأن الرب أغلق رحمها ومع ذلك كانت بتصمم تروح برضو تسجد وتصلى.

3️⃣تالت اختراق...
رغم أجواء العباده السيئه فى وجود -حفنى وفينحاس- الكهنه أولاد عالى الكاهن وسمعتهم السيئه فى ذلك الوقت حتى إن عالى الكاهن نفسه أدانها ( حتى متى تسكرين) ماقالتش ازاى ربنا هايستجيب فى وجود الناس دى. يعنى بالرغم ان السقف الروحى ملوث قدرت تخترقه بصلاتها.

وفى آخر الاصحاح يقول ( الرب ذكرها) وولدت صموئيل قائله لأنى من الرب سألته) ( 1صم 19- 20) مش بس كده لأ دى كمان فى الاصحاح الثانى قالت ترنيمه عظيمه جدا متهلله بعمل الرب معاها...

احنا كتير بنتلكك بالظروف اللى حوالينا زى أهل متعبين.. كهنه وخدام معثريين.. اصدقاء... أجواء الاجتماعات ضعيفه.. لكن.. !! أنت تخترق بنفسك السماء بصلاتك وتصنع المعجزات.. وإفتكر إنك هاتقف لوحدك قدام الله تعطى حساب وكالتك انت وليس هم.. مش هاتنفع تقوله هم اللى عطلونى..

أنت من يصنع إختراق.. 💪🏻💪🏻
أنت من تفتح السماء بصلاتك.🤲🏻🤲🏻