معجزة الستر

[walaa farouk]

لما تفهم معجزة الستر ح تعيش اغني الناس ..

فيه ستر الغفران لن ربنا يسامحك عن غلطاتك
و يكفيك شر الفضيحة و التأديب..

فيه ستر من مذلة المرض ، ‏يعني لما تكون مريض
بس اتوفقت في علاجك و قادر تكمل ايامك و انت مش محووج لحد ..

و فيه ستر من مذلة الجوع :
‏ لما اللي معاك يكفيك تنام متعشي و شبعان حتي لو لقمة بسيطة ..

و فيه ستر من مذلة البرد، لما هدومك تحميك من البرد حتى لو كانت رخيصة ..

و فيه ستر من مذلة الاكتئاب، لما تقدر تسرق من الزمن ضحكة
وأنت حزين ، و تبقي شاكر و راضي و مش محتاج لذل الحاجة ..

‏و فيه ستر من مذلة الوحدة لما يكون ليك اهل
و معاهم كام صاحب تقدر تكلمهم و تطمن علي نفسك و انت معاهم ..

و فيه سار من مذلة الحوجة و مد الايد
لما ربنا يرزقك بشغلانة و لو بسيطة تكفيك و ترضيك ..

‏و فيه ستر من ذل الفشل و الحيرة لما يكون ابنك ربنا مبارك في صحته وتعليمه و مستقبله و بيته ..

و فيه ستر البيوت لما يكون عندك شريك حياة ابن حلال
و شبعان وشايل الهم معاك ..

وفيه ستر الحلول ، يعني اي مشكلة تيجي
و معاها بسرعة الحل اللي يريح قلبك و ينيمك مرتاح البال ..

و فيه قبل الكل معجزة ستر البركة
، ان اي حاجة قليلة معاك تكفيك و تغنيك و تفيض و تزيد ..

لو عرفت نعمة الستر الإلهية، ح تعيش مرتاح البال متهني كأنك اغني الناس ..