درس عملي يشرح بفكرة بسيطة عقيدة الثالوث

[Mary Naeem]

درس عملي يشرح بفكرة بسيطة عقيدة الثالوث





النص الكتابي:

مت13:5 - يو5:3

الأدوات المطلوبة:

1\2 كوب ملح

1\2 كوب ماء

كوب دقيق

إناء

بإمكانك أن تضاعف هذه الكميات، لعمل عجينة للعب، حتى يتمكن كل واحد من تلاميذك من أخذ قطعة ليصنع منها شكلاً.

التحضير:

تدرب على تحضير هذه العجينة في المنزل إن لم تكن قد صنعتها من قبل. حدد الكمية التي ستجهزها لتكفي كل تلاميذك.

الدرس:

- كم واحد فيكم يعرف إيه هو الثالوث؟

(خليهم يرفعوا ايديهم واسمع شوية إجابات)

الثالوث هو مبدأ مهم جداً في إيماننا المسيحي. وكلمة "ثالوث" جاية من تلاتة ففي 3 أعضاء في الثالوث. مين هما؟ الآب والابن والروح القدس. (لو مكنش حد قالها قبل كده)

لكن في ناس كتير محتارة، المسيحيين بيؤمنوا بإله واحد بس لكن لسه هم برده تلاتة: الله الآب والله الابن والله الروح القدس. إزاي كده؟؟ خد شوية إجابات لو في حد عايز يجرب يرد.



"تلاتة لكن واحد" تحسها حاجة متناقضة. إحنا مش عارفين إزاي بالظبط ودي حاجة طبيعية، ففي حاجات كتير في الكون الانسان مش عارف يفهمها. والناس إللي بتفتكر إنها ممكن تفهم كل حاجة دول غلطانين.



إنهاردة إحنا هنستخدم الدقيق والملح ده عشان نفهم الثالوث.



ارفع كوباية الدقيق. خلونا نقول إن دي رمز لله الآب. اللون الأبيض علامة النقاء. حط الدقيق في الطبق بتاع العجين.



ارفع الملح، خلونا نقول إن الملح ده رمز للرب يسوع. الرب يسوع قالنا "أنتم ملح الأرض" في مت 13:5 وقصده إن إحنا المؤمنين إللي بندي للأرض طعم بإننا ننشر كلمة الله. والرب يسوع هو الملح الأصلي. حط الملح في طبق العجين.



ارفع كوب المياه، خلونا نقول إن المية رمز للروح القدس. الميه مرتبطة دايماً بالـ"روح" في الكتاب المقدس. وفي يوحنا5:3 يسوع بيقول:" إِنْ كَانَ أَحَدٌ لاَ يُولَدُ مِنَ الْمَاءِ وَالرُّوحِ لاَ يَقْدِرُ أَنْ يَدْخُلَ مَلَكُوتَ اللهِ."



اخلط كل المقادير.

احنا بنخلط كل المقادير. هل في دقيق هنا؟ أيوة

هل في مية هنا؟ أيوة

هل في ملح هنا؟ أيوة

هما التلاتة لسة هنا. لكن إحنا دلوقتي عندنا حاجة واحدة بس. حد عارف ايه هي؟!

ارفع العجينة في ايدك، بقيت حاجة واحدة دلوقتي – عجينة واحدة. لكن كل المكونات التلاتة لسة موجودين. دي واحدة من الطرق إللي ممكن نفهم بيها "الثالوث" – تلاتة في واحد. أكيد تلاتة وأكيد برده واحد.